ಈ ವಿಚಾರದಲ್ಲಿ ಮೇಘಾಲಯದಿಂದ ಕಳಪೆ ಸಾಧನೆ..!

ದೇಶದಲ್ಲಿ ಮೊದಲನೆ ಹಂತದ ಕೊರೊನಾ ಲಸಿಕೆ ವಿತರಣೆ ಕಾರ್ಯಕ್ರಮ ಮುಗಿದು ಎರಡನೇ ಹಂತದ ಡ್ರೈವ್​ ನಡೆಯುತ್ತಿದೆ. ಮೊದಲ ಹಂತದಲ್ಲಿ ಆರೋಗ್ಯ ಕಾರ್ಯಕರ್ತರಿಗಷ್ಟೇ ಲಸಿಕೆ ನೀಡಿದ್ದ ಕೇಂದ್ರ ಸರ್ಕಾರ ಎರಡನೇ ಹಂತದಲ್ಲಿ ಮುಂಚೂಣಿ ಕಾರ್ಯಕರ್ತರಿಗೆ ಆದ್ಯತೆ ನೀಡಿದೆ.

ಆದರೆ ಕೊರೊನಾ ವ್ಯಾಕ್ಸಿನೇಷನ್​ ಡ್ರೈವ್​​ನಲ್ಲಿ ಮೇಘಾಲಯ ಕಳಪೆ ಸಾಧನೆ ಮಾಡಿದೆ. ಮೇಘಾಲಯದಲ್ಲಿನ 33,185 ಆರೋಗ್ಯ ಕಾರ್ಯಕರ್ತರಲ್ಲಿ ಕೇವಲ 23 ಪ್ರತಿಶತದಷ್ಟು ಮಂದಿ ಮಾತ್ರ ಕೊರೊನಾ ಲಸಿಕೆಯನ್ನ ಪಡೆದಿದ್ದಾರೆ. ಲಸಿಕೆ ತೆಗೆದುಕೊಳ್ಳಲು ಇರುವ ಹಿಂಜರಿತೆಯೇ ಈ ಕಳಪೆ ಸಾಧನೆಗೆ ಮುಖ್ಯ ಕಾರಣವಾಗಿದೆ.

ರಾಜ್ಯದಲ್ಲಿರುವ 33,185 ಮಂದಿ ಆರೋಗ್ಯ ಕಾರ್ಯಕರ್ತರದಲ್ಲಿ ಕೇವಲ 7600 ಮಂದಿ ಆರೋಗ್ಯ ಕಾರ್ಯಕರ್ತರು ಮಾತ್ರ ಲಸಿಕೆ ಪಡೆದಿದ್ದಾರೆ ಎಂದು ಆರೋಗ್ಯ ಸೇವೆಗಳ ನಿರ್ದೇಶಕ ಡಾ. ಅಮನ್​ ವಾರ್​ ಮಾಹಿತಿ ನೀಡಿದ್ರು.

ಲಸಿಕೆಯ ಪರಿಣಾಮಕಾರತ್ವದ ಬಗ್ಗೆ ಇರುವ ವದಂತಿಗಳಿಗೆ ಬೆಲೆ ಕೊಟ್ಟು ಆರೋಗ್ಯ ಕಾರ್ಯಕರ್ತರು ಲಸಿಕೆ ಪಡೆಯುವ ಗೋಜಿಗೇ ಹೋಗಿಲ್ಲ ಎನ್ನಲಾಗಿದೆ.