ಭಾರತೀಯ ಸೇನೆಗೆ ಸೇರ್ಪಡೆಯಾದ ಹುತಾತ್ಮ ಯೋಧ ಮೇಜರ್​ ಕೌಸ್ತುಭ್​ ಪತ್ನಿ

ಭಾರತೀಯ ಸೇನೆಯ ಹುತಾತ್ಮ ಯೋಧ ಮೇಜರ್​ ಕೌಸ್ತುಬ್​​ ರಾಣೆ ಅವರ ಪತ್ನಿ ಕನಿಕಾ ರಾಣೆ ಭಾರತೀಯ ಸೇನೆಗೆ ಸೇರ್ಪಡೆಯಾಗಿದ್ದಾರೆ.

2018ರಲ್ಲಿ ಮೇಜರ್​ ಕೌಸ್ತುಭ್​ ರಾಣೆ ಹಾಗೂ ಮೂವರು ಭಾರತೀಯ ಯೋಧರು ಕಾಶ್ಮೀರದ ಬಂಡಿಪೋರಾ ಜಿಲ್ಲೆಯ ಗುರೇಜ್​ ಸೆಕ್ಟರ್​ ಬಳಿಯ ನಿಯಂತ್ರಣ ರೇಖೆಯಲ್ಲಿ ಹುತಾತ್ಮರಾಗಿದ್ದರು.

ಚೆನ್ನೈನ ಭಾರತೀಯ ಸೇನೆಯ ಅಧಿಕಾರಿಗಳ ತರಬೇತಿ ಅಕಾಡೆಮಿಯಲ್ಲಿ ತರಬೇತಿ ಪೂರ್ಣಗೊಳಿಸಿರುವ ಕಾನಿಕಾ ರಾಣೆ ಶನಿವಾರ ಭಾರತೀಯ ಸೇನೆಗೆ ನಿಯೋಜನೆಗೊಂಡಿದ್ದಾರೆ.

ಇನ್ನು ತರಬೇತಿ ಅವಧಿಯ ಅನುಭವವನ್ನ ಶೇರ್​ ಮಾಡಿರುವ ಕನಿಕಾ, ದೈಹಿಕ ಬಲಕ್ಕಿಂತ ಹೆಚ್ಚಾಗಿ ಮಾನಸಿಕ ಶಕ್ತಿಯ ಅಗತ್ಯತೆ ಜಾಸ್ತಿ ಬೇಕಾಗುತ್ತೆ. ನನ್ನ ತರಬೇತಿಯ ಮೊದಲ ದಿನಗಳಲ್ಲಿ ನನಗೆ 100 ಮೀಟರ್​ ಓಡೋದಕ್ಕೂ ಸಾಧ್ಯವಾಗಿರಲಿಲ್ಲ. ಆದರೆ ನನ್ನ ಧೃಡ ಸಂಕಲ್ಪದಿಂದ ನಾನು ಸೇನೆ ಸೇರ್ಪಡೆಯಾಗುವಲ್ಲಿ ಯಶಸ್ವಿಯಾಗಿದ್ದೇನೆ ಅಂತಾ ಅನುಭವ ಹಂಚಿಕೊಂಡಿದ್ದಾರೆ.