KBC ಯಲ್ಲಿ ಕೋಟಿ ಗೆದ್ದ ಮಹಿಳಾ ಅಧಿಕಾರಿಗೆ ಮತ್ತೆ ಖುಲಾಯಿಸಿತು ಅದೃಷ್ಟ..!

ಕೌನ್​ ಬನೇಗಾ ಕರೋಡ್​ಪತಿ ಕಾರ್ಯಕ್ರಮದಲ್ಲಿ 1 ಕೋಟಿ ರೂಪಾಯಿ ಗೆದ್ದ ಐಪಿಎಸ್​ ಅಧಿಕಾರಿ ಮೋಹಿತಾ ಶರ್ಮಾ ಇದೀಗ ಮತ್ತೊಮ್ಮೆ ತಾವೆಷ್ಟು ಅದೃಷ್ಟವಂತೆ ಅನ್ನೋದನ್ನ ಟ್ವಿಟರ್​ ಪೋಸ್ಟ್ ಮೂಲಕ ಹಂಚಿಕೊಂಡಿದ್ದಾರೆ.

ಇಷ್ಟಕ್ಕೂ ಅವರು ತಮ್ಮನ್ನ ತಾವು ಅದೃಷ್ಟವಂತೆ ಅಂತಾ ಕರೆದುಕೊಳ್ಳೋಕೆ ಕಾರಣ ಮ್ಯಾಗಿ ಪ್ಯಾಕೆಟ್​. ಸಾಮಾನ್ಯವಾಗಿ ಮ್ಯಾಗಿ ಪಾಕೆಟ್​​ನ ಜೊತೆ ಒಂದು ಮಸಾಲಾ ಸ್ಯಾಚೆಟ್​ಗಳನ್ನ ಇಡಲಾಗುತ್ತೆ. ಆದರೆ ಮೋಹಿತಾ ಶರ್ಮಾ ಖರೀದಿ ಮಾಡಿದ ಮ್ಯಾಗಿಯಲ್ಲಿ ಎರಡೆರೆಡು ಸ್ಯಾಚೆಟ್​ಗಳು ಸಿಕ್ಕಿವೆ.

ಈ ವಿಚಾರವನ್ನ ಶೇರ್​ ಮಾಡಿರುವ ಮೋಹಿತಾ  ದೇವರು ದೊಡ್ಡವನು ಅಂತಾ ಫನ್ನಿಯಾಗಿ ಕ್ಯಾಪ್ಶನ್​ ನೀಡಿದ್ದಾರೆ. ಮೋಹಿತಾರ ಈ ತಮಾಷೆಯ ಪೋಸ್ಟ್​ಗೆ ಸೋಶಿಯಲ್​ ಮೀಡಿಯಾದಲ್ಲಿ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗ್ತಿದೆ.