ಮಮತಾ ಬ್ಯಾನರ್ಜಿ ಮೇಲಿನ ದಾಳಿಯನ್ನ ಪಾಲಿಟಿಕಲ್​ ಡ್ರಾಮಾ ಎಂದು ಜರಿದ ಬಿಜೆಪಿ

ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಮೇಲೆ ನಡೆದ ದಾಳಿ ವಿಚಾರವಾಗಿ ಪಶ್ಚಿಮ ಬಂಗಾಳ ಬಿಜೆಪಿ ರಾಜ್ಯಾಧ್ಯಕ್ಷ ದಿಲೀಪ್ ಘೋಷ್​ ವ್ಯಂಗ್ಯವಾಡಿದ್ದಾರೆ. ಈ ವಿಚಾರವಾಗಿ ದೆಹಲಿಯಲ್ಲಿ ಮಾತನಾಡಿದ ಅವ್ರು, ಮಮತಾ ಒಳ್ಳೆಯ ನಾಟಕ ಮಾಡಿದ್ದಾರೆ. ಆದರೆ ನಾಟಕದ ಕತೆ ಹೆಣೆದಿದ್ದು ಸರಿಯಾಗಿಲ್ಲ ಎಂದು ಕುಹಕವಾಡಿದ್ದಾರೆ.

ನಾಯಕರಿಗೆ ಝೆಡ್​ ಪ್ಲಸ್​ ಭದ್ರತೆ ನೀಡಿದ ವೇಳೆಯಲ್ಲಿ ಇಂತಹ ಘಟನೆ ನಡೆಯೋಕೆ ಹೇಗೆ ಸಾಧ್ಯ..? ಮಮತಾ ಬ್ಯಾನರ್ಜಿ ಗಾಯಗೊಂಡಿದ್ದಾರೆ ಅನ್ನೋದಕ್ಕೆ ಏನಾದರೂ ಸಾಕ್ಷಿ ಇದೆಯೇ..? ಇದೊಂದು ಶುದ್ಧ ರಾಜಕೀಯ ಹೈಡ್ರಾಮಾವಾಗಿದ್ದು ಈ ಸಂಬಂಧ ಸೂಕ್ತ ತನಿಖೆ ನಡೆಯಬೇಕು ಎಂದು ಆಗ್ರಹಿಸಿದ್ದಾರೆ.