ಬಾಯಾರಿದ ನಾಯಿಗೆ ಬೊಗಸೆಯಲ್ಲಿ ನೀರುಣಿಸಿದ ವೃದ್ದ

ಇತರ ಜೀವಿಗಳಿಗೆ ಮಿಡಿಯುವ ಹೃದಯವನ್ನು ಬೆಳೆಸುಕೊಳ್ಳಲು ನಾವು ಕಾಸು ಖರ್ಚು ಮಾಡಬೇಕಿಲ್ಲ. ಬೀದಿ ನಾಯಿಯೊಂದಕ್ಕೆ ಕುಡಿಯುವ ನೀರು ನೀಡುತ್ತಿರುವ ವೃದ್ಧರೊಬ್ಬರ ವಿಡಿಯೋವನ್ನು IFS ಅಧಿಕಾರಿ ಸುಶಾಂತಾ ನಂದಾ ಶೇರ್‌ ಮಾಡಿಕೊಂಡಿದ್ದಾರೆ.

44 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ, ನಾಯಿಗೆ ನೀರು ಕುಡಿಯಲು ಈ ವ್ಯಕ್ತಿ ಸಹಾಯ ಮಾಡುತ್ತಿರುವುದನ್ನು ಕಾಣಬಹುದಾಗಿದೆ. ರಸ್ತೆ ಬದಿಯ ನಲ್ಲಿಯೊಂದರಿಂದ ನೀರನ್ನು ಹಿಡಿದುಕೊಂಡು, ತನ್ನ ಕೈಗಳನ್ನೇ ಕಪ್‌ನಂತೆ ಮಾಡಿಕೊಂಡು, ನಾಯಿಗೆ ನೀರು ಕುಡಿಸಿದ್ದಾರೆ ಈ ಸಹೃದಯಿ.

ಮಾನವೀಯತೆ ಹೃದಯದಿಂದ ಬರುವಂಥದ್ದು, ಮೇಲಿರುವವ ನಮ್ಮ ಕರ್ಮಗಳನ್ನು ನೋಡುತ್ತಾ ಇರುತ್ತಾನೆ ಎಂದು ನಂದಾ ಈ ಪೋಸ್ಟ್‌ನಲ್ಲಿ ಹಾಕಿಕೊಂಡಿದ್ದಾರೆ.