ದುಬೈನಲ್ಲಿ 3 ಮಿಲಿಯನ್​ ಡಾಲರ್​ ಲಾಟರಿ ಗೆದ್ದ ಭಾರತೀಯ…!

ದುಬೈನ 51 ವರ್ಷದ ಭಾರತೀಯ ವಲಸಿಗ ರಾಫೆಲ್​ ಡ್ರಾದಲ್ಲಿ ಬರೋಬ್ಬರಿ 3 ಮಿಲಿಯನ್​​ ಯುಎಸ್​ ಡಾಲರ್​ ಗಳಿಸಿದ್ದಾರೆ ಅಂತಾ ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.

ಅಬುದಾಬಿಯಲ್ಲಿ ಗುರುವಾರ ನಡೆದ ಬಿಗ್​ ಟಿಕೆಟ್​ ಡ್ರಾದಲ್ಲಿ ವೈದ್ಯಕೀಯ ಸಲಕರಣೆ ಮಾರಾಟಗಾರ ಜಾರ್ಜ್​ ಜೇಕಬ್ಸ್​ರನ್ನ ವಿಜೇತ ಎಂದು ಘೋಷಿಸಲಾಗಿದೆ ಎಂದು ಖಲೀಜ್​ ಟೈಮ್ಸ್ ವರದಿ ಮಾಡಿದೆ.

ಪತ್ನಿ, ಮಗಳು ಹಾಗೂ ಪುತ್ರನೊಂದಿಗೆ ದುಬೈನಲ್ಲಿ ವಾಸಿಸುತ್ತಿರುವ ಜಾಕೋಬ್ಸ್​, ಆರ್ಥಿಕ ತೊಂದರೆಯಿಂದ ಬಳಲುತ್ತಿದ್ದರು, ಇದೀಗ ಈ ರಾಫೆಲ್​ ಡ್ರಾ ಮೂಲಕ ಜಾರ್ಜ್​ ಅದೃಷ್ಟ ಖುಲಾಯಿಸಿದೆ.

ಟಿಕೆಟ್​ ಸಂಖ್ಯೆ 069402 ಗೆದ್ದ ಭಾರತದ ಜಾರ್ಜ್​ ಜಾಕೋಬ್​​ಗೆ ಅಭಿನಂದನೆಗಳು. ಡ್ರೀಮ್​ 12 ಮಿಲಿಯನ್​ ಸರಣಿ 222ರಲ್ಲಿ ಎಇಡಿ 12 ಮಿಲಿಯನ್​​ ಗೆದ್ದಿದ್ದಾರೆ ಎಂದು ಸಂಘಟಕರು ಫೇಸ್​ಬುಕ್​ ಪೋಸ್ಟ್​ನಲ್ಲಿ ತಿಳಿಸಿದ್ದಾರೆ. ಜಾಕೋಬ್ಸ್​ ನವೆಂಬರ್​ 30ರಂದು ಟಿಕೆಟ್ ಖರೀದಿ ಮಾಡಿದ್ದರು.