ಕೋತಿಗಳ ಅಪರೂಪದ ಕ್ಷಣ ಸೆರೆಹಿಡಿದ ಫೋಟೋಗ್ರಾಫರ್

ಸ್ನೇಹಿತರ ಜೀವ ಉಳಿಸಲು ಕೋತಿಗಳು ಮಾನವನ ರೀತಿಯಲ್ಲಿ ವರ್ತಿಸೋದನ್ನ ನಿಮಗೆ ಪ್ರತಿದಿನ ನೋಡೋಕೆ ಆಗಲ್ಲ. ಅದರಲ್ಲೂ ಅಂತಹ ಅಪರೂಪದ ಕ್ಷಣಗಳನ್ನ ಕ್ಯಾಮರಾದಲ್ಲಿ ಸೆರೆಹಿಡಿಯೋದು ಅಂದ್ರೆ ಕಷ್ಟವೇ ಸರಿ.

ಆದರೆ ಫೋಟೋಗ್ರಾಫರ್​ ವಿಲಿಯಂ ಸ್ಟೀಲ್​ ಎಂಬವರು ಕೋತಿಗಳ ಅಪರೂಪದ ಕ್ಷಣವನ್ನ ಸೆರೆಹಿಡಿದಿದ್ದಾರೆ. ಅಂಗಾತ ಮಲಗಿದ್ದ ಕೋತಿಯ ಜೀವವನ್ನ ಉಳಿಸೋಕೆ ಇನ್ನೊಂದು ಕೋತಿ ಬಾಯಿಂದ ಬಾಯಿಗೆ ಉಸಿರು ನೀಡುವ ಮೂಲಕ ಪುನರುಜ್ಜೀವನ ನೀಡಲು ಯತ್ನಿಸುತ್ತಿದೆ.

ಆದರೆ ಬಳಿಕ ಕೋತಿ ಈ ರೀತಿ ಇನ್ನೊಂದು ಕೋತಿ ಉಸಿರು ಕೊಡ್ತಾ ಇರೋದು ಅವುಗಳ ಪ್ರೇಮದ ಪ್ರಕ್ರಿಯೆ ಅನ್ನೋದು ಗೊತ್ತಾಗಿದೆ. ಅಲ್ಲಿ ಮಲಗಿದ್ದ ಕೋತಿ ಹೆಣ್ಣು ಹಾಗೂ ಗಂಡು ಅದರ ಗಮನ ಸೆಳೆಯಲು ರೀತಿ ಮಾಡುತ್ತಿದೆ ಅಂತಾ ಫೋಟೋಗ್ರಾಫರ್​ ಹೇಳಿದ್ದಾರೆ.