ರಸ್ತೆ ದಾಟಲು ಒದ್ದಾಡುತ್ತಿದ್ದ ನಾಯಿಗಾಗಿ ಇಡೀ ಸಂಚಾರ ವ್ಯವಸ್ಥೆಯನ್ನೇ ಬಂದ್ ಮಾಡಿದ ಈ ಪೊಲೀಸಪ್ಪ ಮಾನವೀಯತೆ ಮೆರೆದಿದ್ದಾರೆ.
ನಾಯಿಯೊಂದು ರಸ್ತೆ ದಾಟಲು ಹರಸಾಹಸಪಡುತ್ತಿತ್ತು. ಅತಿಯಾದ ಸಂಚಾರ ದಟ್ಟಣೆಯಾದ್ದರಿಂದ ರಸ್ತೆ ದಾಟುವುದು ಅಷ್ಟು ಸುಲಭವೂ ಇರಲಿಲ್ಲ.
ವಾಹನಗಳ ದಟ್ಟಣೆ ಇನ್ನೇನು ಕಡಿಮೆ ಆಗಬಹುದು, ಈ ಪೊಲೀಸಪ್ಪನ ದಯೆಯಿಂದ ರಸ್ತೆ ದಾಟುತ್ತೇನೆ ಎನ್ನುವಂತೆ ಸಂಚಾರಿ ಪೊಲೀಸಪ್ಪನ ಪಕ್ಕದಲ್ಲೇ ಸುಳಿದಾಡಿ ಸಂಚಾರ ದಟ್ಟಣೆ ಕಡಿಮೆ ಆಗುವುದನ್ನೇ ಕಾದು ನಿಂತಿತ್ತು.
ಇದನ್ನು ಗಮನಿಸಿದ ಸಂಚಾರಿ ಪೊಲೀಸ್, ಅತಿವೇಗದಿಂದ ಬರುತ್ತಿದ್ದ ವಾಹನಗಳನ್ನು ತಡೆದು ನಿಲ್ಲಿಸಿದರು. ಪೊಲೀಸಪ್ಪನ ಜೊತೆಯಲ್ಲಿಯೇ ರಸ್ತೆಯ ಈ ಬದಿಯಿಂದ ಆ ತುದಿಗೆ ದಾಟೇಬಿಟ್ಟಿತು.
ಈ ವಿಡಿಯೋವೀಗ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದ್ದು, ಮಾನವೀಯತೆ ಇನ್ನೂ ಬದುಕಿದೆ ಎಂದು ನೆಟ್ಟಿಗರು ಮೆಚ್ಚುಗೆಯ ಕಮೆಂಟ್ ಗಳನ್ನು ಹರಿಬಿಟ್ಟಿದ್ದಾರೆ.
Loading ...