ಕೊರೊನಾದಿಂದಾಗಿ ವಾಸನೆ, ರುಚಿ ಗ್ರಹಿಕಾ ಸಾಮರ್ಥ್ಯ ಕಳೆದುಕೊಂಡರೆ ಖುಷಿಪಡಿ….! ಇದರ ಹಿಂದಿದೆ ಕಾರಣ

ವಾಸನೆ ಸಾಮರ್ಥ್ಯ ಕಳೆದುಕೊಳ್ಳುವುದು ಹಾಗೂ ನಾಲಗೆ ರುಚಿ ಗ್ರಹಿಕೆ ಮಾಡೋದನ್ನ ನಿಲ್ಲಿಸೋದು ಇವೆಲ್ಲ ಕೊರೊನಾ ಲಕ್ಷಣಗಳು ಎಂದು ಹೇಳಲಾಗುತ್ತೆ.

ಇನ್ನು ಗಂಭೀರ ಪ್ರಕರಣಗಳಲ್ಲಿ ಶ್ವಾಸಕೋಶದ ಮೇಲೆ ವೈರಸ್​ ವಿಪರೀತ ಮಟ್ಟದಲ್ಲಿ ದಾಳಿ ಮಾಡುತ್ತೆ. ಆದರೆ ಕಡಿಮೆ ಗುಣ ಲಕ್ಷಣ ಹೊಂದಿರುವ ಬಹುತೇಕ ಮಂದಿ ಈ ವಾಸನೆ ಹಾಗೂ ರುಚಿಯ ಸಮಸ್ಯೆಯಿಂದ ಬಳಲುತ್ತಿರ್ತಾರೆ.

ಕೊರೊನಾ ದೇಶಕ್ಕೆ ಬಂದು ಅಪ್ಪಳಿಸಿ 10 ತಿಂಗಳಿಗೆ ಎಂಟ್ರಿ ಕೊಟ್ಟ ಈ ಸಂದರ್ಭದಲ್ಲಿ ಭಾರತೀಯ ಆರೋಗ್ಯ ತಜ್ಞರು ಕೊರೊನಾ ಗುಣಲಕ್ಷಣಗಳ ಮೇಲೆ ಹೊಸ ಅಧ್ಯಯನವೊಂದನ್ನ ಮಾಡಿದ್ದಾರೆ.

ಇದರನ್ವಯ ಗಂಭೀರ ಸ್ಥಿತಿಗೆ ತಲುಪಿ ಐಸಿಯುಗೆ ಹೋಗುವ ಸೋಂಕಿತರಲ್ಲಿ ಈ ವಾಸನೆ ಹಾಗೂ ರುಚಿ ಕಳೆದುಕೊಳ್ಳುವ ಲಕ್ಷಣ ಹೆಚ್ಚಾಗಿ ಕಂಡುಬರಲ್ಲ ಎಂದು ಹೇಳಿದ್ದಾರೆ.

ಈ ವಿಚಾರವಾಗಿ ಮಾತನಾಡಿರುವ ಹೃದಯ ತಜ್ಞ ಡಾ. ಅರುಣ್​ ಲಖನ್​ಪಾಲ್​, ರುಚಿ ಹಾಗೂ ವಾಸನೆ ಕಳೆದುಕೊಳ್ಳೋದು ನಿಜಕ್ಕೂ ಒಳ್ಳೆಯ ಲಕ್ಷಣ ಎಂದಿದ್ದಾರೆ. ಶೇಕಡಾ 40 ರಷ್ಟು ಸೋಂಕಿತರು ರುಚಿ ಹಾಗೂ ವಾಸನೆ ಕಳೆದುಕೊಳ್ತಾರೆ. ನಿಜಕ್ಕೂ ಇದೊಂದು ಒಳ್ಳೆಯ ಗುಣಲಕ್ಷಣ. ಇಂತವರು ಗಂಭೀರವಾಗಿ ವೈರಸ್​ ದಾಳಿಗೆ ತುತ್ತಾಗಿರೋದಿಲ್ಲ ಎಂದು ಹೇಳಿದ್ದಾರೆ.