ಟ್ರಂಪ್​ಗೆ ಕೊರೊನಾ ಚಿಕಿತ್ಸೆ ವೇಳೆ ನೀಡಿದ್ದ ಕಾಕ್ ​ಟೇಲ್​ ಡ್ರಗ್​ ಪಡೆದ ಮೊದಲ ಭಾರತೀಯ ಸೋಂಕಿತ..!

ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಕೊರೊನಾ ಸೋಂಕಿಗೆ ಒಳಗಾಗಿದ್ದ ವೇಳೆ ಆಂಟಿಬಾಡಿ ಕೋವಿಡ್ ಕಾಕ್​ಟೇಲ್​ ಲಸಿಕೆಯನ್ನ ನೀಡಲಾಗಿತ್ತು. ಇದೀಗ ಹರಿಯಾಣದ 84 ವರ್ಷದ ಮೊಹಬ್ಬತ್​ ಸಿಂಗ್​ ಕೂಡ ಈ ಲಸಿಕೆಯನ್ನ ಪಡೆಯುತ್ತಿದ್ದಾರೆ.

ಈ ಮೂಲಕ ಟ್ರಂಪ್​ಗೆ ನೀಡಿದ್ದ ಕೋವಿಡ್​ ಡ್ರಗ್​ ಕಾಕ್​ಟೇಲ್​ ಪಡೆದ ಮೊದಲ ಭಾರತೀಯ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ. ಗುರುಗ್ರಾಮದಲ್ಲಿ ಕಳೆದ 5 ದಿನಗಳಿಂದ ಚಿಕಿತ್ಸೆ ಪಡೆಯುತ್ತಿರುವ ಮೊಹಬ್ಬತ್​ ಸಿಂಗ್​ಗೆ 30 ನಿಮಿಷಗಳ ಅವಧಿಯಲ್ಲಿ ಈ ಕಾಕ್​ಟೇಲ್​ ಡ್ರಗ್​ ನೀಡಲಾಗಿದೆ.

ಅಮೆರಿಕದ ರೋಚಿಸ್​ ಕಂಪನಿ ಈ ಲಸಿಕೆಯನ್ನ ಅಭಿವೃದ್ಧಿಪಡಿಸಿದ್ದರೆ ಭಾರತದಲ್ಲಿ ಸಿಪ್ಲಾ ಕಂಪನಿ ಈ ಲಸಿಕೆಯನ್ನ ಬಿಡುಗಡೆ ಮಾಡಿದೆ. ಒಂದು ಡೋಸ್​​ ಕಾಕ್​ಟೇಲ್​ ಡ್ರಗ್​​ಗೆ 59 ಸಾವಿರ ರೂಪಾಯಿ ನಿಗದಿ ಮಾಡಲಾಗಿದೆ.

ಇದು ಇತರೆ ಲಸಿಕೆಯಂತೆ 2 ಡೋಸ್​​ ರೂಪದಲ್ಲಿ ನೀಡಲಾಗೋದಿಲ್ಲ. ಕೇವಲ ಒಂದು ಡೋಸ್​ ಲಸಿಕೆ ಕೋವಿಡ್​ ವಿರುದ್ಧದ ಚಿಕಿತ್ಸೆಗೆ ಪರಿಣಾಮಕಾರಿಯಾಗಿದೆ. ಒಂದು ಪ್ಯಾಕ್​ ಔಷಧವನ್ನ ಇಬ್ಬರು ರೋಗಿಗಳಿಗೆ ಬಳಕೆ ಮಾಡಬಹುದಾಗಿದೆ.