ಇಂಜೆಕ್ಷನ್ ಹಾಕಿಸಿಕೊಳ್ಳುವ ವೇಳೆ ಯುವತಿ ಮಾಡಿದ ʼಡ್ರಾಮಾʼ ವೈರಲ್

ಕೊರೊನಾ ಎರಡನೇ ಅಲೆ ಹೆಚ್ಚಾಗಿದೆ. ಪ್ರತಿ ದಿನ 3 ಲಕ್ಷಕ್ಕೂ ಹೆಚ್ಚು ಮಂದಿಗೆ ಕೊರೊನಾ ಕಾಣಿಸಿಕೊಳ್ತಿದೆ. ಈ ಮಧ್ಯೆ ಲಸಿಕೆ ಅಭಿಯಾನ ಕೂಡ ನಡೆಯುತ್ತಿದೆ. 18 ವರ್ಷ ಮೇಲ್ಪಟ್ಟ ವ್ಯಕ್ತಿಗಳಿಗೆ ಕೊರೊನಾ ಲಸಿಕೆ ಹಾಕಲಾಗ್ತಿದೆ. ಲಸಿಕೆ ಪಡೆಯಲು ಅನೇಕರು ಭಯಪಡ್ತಾರೆ. ಯುವತಿಯೊಬ್ಬಳ ಲಸಿಕೆ ಡ್ರಾಮಾ ವೈರಲ್ ಆಗಿದೆ.

ಲಾಜಿಕಲ್ ಥಿಂಕರ್ ಎಂಬ ವ್ಯಕ್ತಿ ಮೇ3ರಂದು ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಹುಡುಗಿ ಲಸಿಕೆ ಹಾಕಿಸಿಕೊಳ್ಳಲು ಭಯಪಡ್ತಿದ್ದಾಳೆ. ಒಂದಾದ್ಮೇಲೆ ಒಂದು ಡ್ರಾಮಾ ಮಾಡ್ತಿದ್ದಾಳೆ. ಇದ್ರಿಂದ ಬೇಸತ್ತ ವೈದ್ಯರು ಹೋಗುವಂತೆ ಸೂಚನೆ ನೀಡ್ತಾರೆ. ಕೊನೆಯಲ್ಲಿ ಧೈರ್ಯ ಮಾಡಿ ಯುವತಿ ಲಸಿಕೆ ಹಾಕಿಸಿಕೊಳ್ತಾಳೆ.

ಈ ವಿಡಿಯೋವನ್ನು ಲಕ್ಷಾಂತರ ಮಂದಿ ವೀಕ್ಷಣೆ ಮಾಡಿದ್ದಾರೆ. 7 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಸಿಕ್ಕಿದೆ. 3 ಸಾವಿರಕ್ಕೂ ಹೆಚ್ಚು ಮಂದಿ ಮರು ಟ್ವಿಟ್ ಮಾಡಿದ್ದಾರೆ. ವೈದ್ಯರು ಇಂಜೆಕ್ಷನ್ ಹಿಡಿದು ಬರ್ತಿದ್ದಂತೆ ಗಾಬರಿಯಾಗುವ ಹುಡುಗಿ ಅಮ್ಮಾ ಎಂದು ಕೂಗಿಕೊಳ್ತಾಳೆ. ನರ್ಸ್ ಕೈ ಹಿಡಿದ್ರೆ ಮತ್ತೆ ಕಿರುಚುತ್ತಾಳೆ. ಕೋಪಗೊಳ್ಳುವ ವೈದ್ಯರು ಸುಮ್ಮನಿರುವಂತೆ ಹೇಳ್ತಾರೆ. ಇದನ್ನು ಒಪ್ಪದ ಯುವತಿ ಮತ್ತೆ ಕಿರುಚುತ್ತಾಳೆ. ಆಗ ವೈದ್ಯರು ಇಲ್ಲಿಂದ ಹೋಗು ಎನ್ನುತ್ತಾರೆ.