ಪ್ರತಿಭಟನಾನಿರತ ರೈತರಿಗೆ ತಿಂಡಿ ಪೂರೈಸಿದ ನಾಲ್ಕು ವರ್ಷದ ಬಾಲಕ

ಕಳೆದ ಕೆಲ ವಾರಗಳಿಂದ ಕೇಂದ್ರ ಸರ್ಕಾರ ಅಂಗೀಕರಿಸಿದ ಕೃಷಿ ಮಸೂದೆ ವಿರುದ್ಧ ರಾಷ್ಟ್ರ ರಾಜಧಾನಿ ಗಡಿಯಲ್ಲಿ ಪ್ರತಿಭಟನೆ ನಡೆಸುತ್ತಿರುವ ರೈತರಿಗೆ ಸಹಾಯಗಳ ಸುರಿಮಳೆಯೇ ಹರಿದು ಬರ್ತಿದೆ.

ಇದೀಗ ಈ ಸಾಲಿಗೆ ನಾಲ್ಕು ವರ್ಷದ ಹುಡುಗ ರೆಹಾನ್​ ಕೂಡ ಸೇರಿದ್ದಾನೆ. ಗಾಜಿಯಾಬಾದ್​ನ ವೈಶಾಲಿ ಪ್ರದೇಶದಲ್ಲಿರುವ ಪ್ರತಿಭಟನಾ ಸ್ಥಳಕ್ಕೆ ತಂದೆ ಮೆಹತಾಬ್​ ಆಲಂ ಜೊತೆ ಬಂದ ರೆಹಾನ್​ ರೈತರಿಗೆ ಬಿಸ್ಕತ್​ ಹಾಗೂ ಬಾಳೆಹಣ್ಣನ್ನ ನೀಡಿದ್ದಾನೆ.

ಕೇವಲ 20 ಸಾವಿರ ರೂಪಾಯಿ ಆದಾಯವನ್ನ ಹೊಂದಿರುವ ಆಲಂ ತನ್ನ ಕಿರಿಯ ಮಗ ರೆಹಾನ್​ ಜೊತೆ ಪ್ರತಿಭಟನಾ ಸ್ಥಳಕ್ಕೆ ತೆರಳಿ ಕಳೆದ 10 ದಿನಗಳಿಂದ ಬಿಸ್ಕೇಟ್ ಹಾಗೂ ಬಾಳೆಹಣ್ಣನ್ನ ನೀಡುತ್ತಿದ್ದಾನೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಆಲಂ, ನಾನು ಕೂಡ ಬಿಹಾರದ ರೈತ ಕುಟುಂಬದವನು. ರೈತರು ನ್ಯಾಯಕ್ಕಾಗಿ ಆಗ್ರಹಿಸಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಹೀಗಾಗಿ ಅವರಿಗೆ ನನ್ನ ಕೈಲಾದ ಸಹಾಯ ಮಾಡುತ್ತಿದ್ದೇನೆ ಎಂದು ಹೇಳಿದ್ದಾರೆ.