ತಾಯಿ ಗರ್ಭದಲ್ಲಿದ್ದಾಗಲೇ ಕೃಷ್ಣನ ಮಾತುಗಳನ್ನ ಕೇಳಿ ಅಭಿಮನ್ಯು ಚಕ್ರವ್ಯೂಹ ವಿದ್ಯೆ ಕಲಿತ ಕತೆ ಎಲ್ಲರಿಗೂ ತಿಳಿದೇ ಇದೆ. ಇದೀಗ ಬನಾರಸ್ ಹಿಂದೂ ವಿಶ್ವವಿದ್ಯಾಲಯ ಹಾಗೂ ಸರ್ ಸುಂದರ್ ಲಾಲ್ ಆಸ್ಪತ್ರೆ ಈ ಕತೆಗಳನ್ನ ಆಧಾರವಾಗಿಟ್ಟುಕ್ಕೊಂಡು ಗರ್ಭದಲ್ಲಿರುವ ಮಕ್ಕಳಿಗೆ ಉತ್ತಮ ಸಂಸ್ಕಾರ ನೀಡುವ ಚಿಕಿತ್ಸೆ ಆರಂಭಿಸಿದ್ದಾರೆ.
ಗರ್ಭ ಸಂಸ್ಕಾರ ಎಂಬ ಈ ಚಿಕಿತ್ಸೆಯನ್ನ ಗರ್ಭಿಣಿಯರಿಗೆ ನೀಡಲಾಗುತ್ತೆ. ಸೆಪ್ಟೆಂಬರ್ ತಿಂಗಳಿಂದ ಈ ಹೊಸ ಚಿಕಿತ್ಸೆ ಶುರುವಾಗಿದೆ. ಗರ್ಭ ಸಂಸ್ಕಾರ ಚಿಕಿತ್ಸೆ ಹೊಸ ವಿಷಯವೇನಲ್ಲ. ಆರ್ಯುವೇದದಲ್ಲಿ ಬಹಳ ಹಿಂದಿನಿಂದಲೂ ಇರುವ ಚಿಕಿತ್ಸಾ ವಿಧಾನವಿದು.
ಆದರೆ ಇದಕ್ಕೆ ಸರಿಯಾದ ಪ್ರಾಮುಖ್ಯತೆ ಸಿಕ್ಕಿರಲಿಲ್ಲ. ಇದೀಗ ನಾವು ಈ ಚಿಕಿತ್ಸೆಯನ್ನ ಪ್ರಾರಂಭಿಸಿದ್ದೇವೆ ಅಂತಾ ಸರ್ ಸುಂದರ್ ಲಾಲ್ ಆಸ್ಪತ್ರೆ ವೈದ್ಯಕೀಯ ಅಧೀಕ್ಷಕ ಎಸ್.ಕೆ. ಮಾಥೂರ್ ಹೇಳಿದ್ರು.
ಈ ಚಿಕಿತ್ಸೆಯನ್ನ ಪಡೆಯುವ ಗರ್ಭಿಣಿಯರಿಗೆ ಉತ್ತಮ ಸಂಗೀತ, ಉತ್ತಮ ಸಾಹಿತ್ಯ ಹಾಗೂ ಸಕಾರಾತ್ಮಕ ಭಾವನೆಗಳನ್ನ ಬಿತ್ತುವಂತಹ ಧಾರವಾಹಿಗಳನ್ನ ತೋರಿಸಲಾಗುತ್ತೆ. ಇದು ಗರ್ಭದಲ್ಲಿರುವ ಮಗುವಿನ ಮೇಲೆ ಎಷ್ಟರ ಮಟ್ಟಿಗೆ ಪರಿಣಾಮ ಬೀರಿದೆ ಅನ್ನೋದನ್ನ ವೈಜ್ಞಾನಿಕ ತಂತ್ರಗಳ ಮೂಲ ಪರಿಶೀಲನೆ ಮಾಡಲಾಗುತ್ತೆ.
Loading ...