ಕೊರೊನಾ ಲಸಿಕೆ ವಿತರಣೆಗೆ ನೆಟ್ಟಿಗರಿಂದ ತರಲೆ ಐಡಿಯಾ

ಪಾನಿಪುರಿಯೊಳಗೆ ಕೋವ್ಯಾಕ್ಸಿನ್, ಕೋವಿಶೀಲ್ಡ್ ಲಸಿಕೆಗಳನ್ನು ಇಟ್ಟುಕೊಟ್ಟರೆ ರಾತ್ರಿಯೊಳಗೆ ಇಡೀ ದೇಶದ ಜನರಿಗೆ ತಲುಪುತ್ತದೆ.

ವಡಾ, ಪಾವ್ ಒಳಗೆ ಇಟ್ಟುಕೊಟ್ಟರೆ ಮಧ್ಯಾಹ್ನದೊಳಗೆ ಇಡೀ ಮುಂಬೈ ಜನರಿಗೆ ಲಸಿಕೆ ತಲುಪಿರುತ್ತದೆ.

ಕೊರೋನಾ ವಿರುದ್ಧ ಸಮರ ಸಾರಿರುವ ಕೇಂದ್ರ ಸರ್ಕಾರ, ಜನವರಿ 16 ರಿಂದ ಲಸಿಕೆ ನೀಡಲು ಮುಂದಾಗಿದೆ. ಸೇರಂ ಇನ್ ಸ್ಟಿಟ್ಯೂಟ್ ಆಫ್ ಇಂಡಿಯಾದ ಕೋವಿಶೀಲ್ಡ್ ಮತ್ತು ಭಾರತ್ ಬಯೋಟೆಕ್ ನ ಕೋವ್ಯಾಕ್ಸಿನ್ ಲಸಿಕೆಗಳು ಈಗಾಗಲೇ ಎಲ್ಲ ರಾಜ್ಯಗಳಿಗೆ ತಲುಪಿವೆ.

ಸಾಮಾಜಿಕ ಜಾಲತಾಣದಲ್ಲಿ ಇದರ ಸುದ್ದಿ ಚರ್ಚೆ ಗಿರಕಿ ಹೊಡೆಯುತ್ತಿದ್ದು, ಲಸಿಕೆ ನೀಡಲು ಕೇಂದ್ರ ಸರ್ಕಾರ ತುಂಬಾ ಕಷ್ಟಪಡುತ್ತಿದೆ. ವಿವಿಧ ಹಂತದಲ್ಲಿ ಲಸಿಕೆ ನೀಡುವ ಬದಲು, ಒಂದೇ ಬಾರಿಗೆ ಲಸಿಕೆ ಕೊಡುವ ಹೊಸ ಹೊಸ ಐಡಿಯಾಗಳನ್ನು ನೆಟ್ಟಿಗರು ಕೊಟ್ಟಿದ್ದಾರೆ.

ಲಸಿಕೆಯನ್ನು ಪಾವ್ ಒಳಗೆ ಇಟ್ಟುಕೊಟ್ಟು ನೋಡಿ, ಮಧ್ಯಾಹ್ನದೊಳಗೆ ಇಡೀ ಮುಂಬೈ ತಲುಪಿರುತ್ತದೆ ಎಂದು ಒಬ್ಬರು ಐಡಿಯಾ ಕೊಟ್ಟರೆ, ಉಂಡಿಯು, ಚಿಕ್ಕಿಯೊಳಗಿಟ್ಟು ಕೊಟ್ಟರೆ ಜ.16 ರೊಳಗೇ ಇಡೀ ಗುಜರಾತ್ ತಲುಪುತ್ತದೆ ಎಂದು ಮತ್ತೊಬ್ಬರು ಸಲಹೆ ನೀಡಿದ್ದಾರೆ.

ಮೊಮೋ ಒಳಗಿಟ್ಟುಕೊಟ್ಟರೆ ದಿಲ್ಲಿ, ಪ್ರೊಟೀನ್ ಪುಡಿಯಲ್ಲಿಟ್ಟುಕೊಟ್ಟರೆ ದೇಹದಾರ್ಢ್ಯ ಕಸರತ್ತು ನಡೆಸುವವರು, ಬಿರಿಯಾನಿ, ಚಹಾ, ಓಲ್ಡ್ ಮಾಂಕ್ ಹೀಗೆ ಅನೇಕ ತಿಂಡಿ-ತಿನಿಸುಗಳಲ್ಲಿ ಇಟ್ಟುಕೊಟ್ಟರೆ ಇಡೀ ದೇಶದ ಜನರಿಗೆ ತಲುಪಿಸಿದಂತಾಗುತ್ತದೆ ಎಂದು ತರಲೆ ಸಲಹೆಗಳನ್ನು ಕೊಟ್ಟಿದ್ದಾರೆ. ಆಯಾ ರಾಜ್ಯದ ಜನರಿಗೆ ಇಷ್ಟವಾದ ತಿನಿಸುಗಳ ಪಟ್ಟಿಯನ್ನ ಮಾಡುತ್ತಾ ಹೋಗಲಾಗಿದೆ. ಒಂದಕ್ಕಿಂತ ಒಂದು ಕಮೆಂಟ್ ಗಳು ಗಮ್ಮತ್ತಿನಿಂದ ಕೂಡಿವೆ.

https://twitter.com/Bhaadmejaiye/status/1349593583959986182?ref_src=twsrc%5Etfw%7Ctwcamp%5Etweetembed%7Ctwterm%5E1349593583959986182%7Ctwgr%5E%7Ctwcon%5Es1_&ref_url=https%3A%2F%2Findianexpress.com%2Farticle%2Ftrending%2Ftrending-in-india%2Fdesi-people-share-jokes-how-putting-vaccine-in-food-will-get-everyone-vaccinated-7146297%2F

https://twitter.com/skvtwts/status/1349499883598848000?ref_src=twsrc%5Etfw%7Ctwcamp%5Etweetembed%7Ctwterm%5E1349499883598848000%7Ctwgr%5E%7Ctwcon%5Es1_&ref_url=https%3A%2F%2Findianexpress.com%2Farticle%2Ftrending%2Ftrending-in-india%2Fdesi-people-share-jokes-how-putting-vaccine-in-food-will-get-everyone-vaccinated-7146297%2F