ಗಂಟೆಯೊಳಗೆ 33 ಬಗೆಯ ಖಾದ್ಯ ತಯಾರಿಸಿದ ಹತ್ತು ವರ್ಷದ ಬಾಲಕಿ

ತನ್ನ ಪಾಕ ಪ್ರಖರತೆಯಿಂದ ಅಂತರ್ಜಾಲದಲ್ಲಿ ಭರ್ಜರಿ ಸುದ್ದಿಯಾಗಿರುವ ಹತ್ತು ವರ್ಷದ ಬಾಲಕಿ ಸಾನ್ವಿ ಪ್ರಜೀತ್‌ ಒಂದೇ ಒಂದು ಗಂಟೆಯ ಅವಧಿಯಲ್ಲಿ 33 ವಿವಿಧ ಬಗೆಯ ಖಾದ್ಯಗಳನ್ನು ತಯಾರಿಸುವ ಮೂಲಕ ಎಲ್ಲರನ್ನೂ ಬೆರಗುಗೊಳಿಸಿದ್ದಾಳೆ.

ತನ್ನ ಈ ಅದ್ಭುತ ಸಾಧನೆ ಮೂಲಕ ಸಾನ್ವಿ ಏಷ್ಯಾದ ದಾಖಲೆಗಳ ಪುಸ್ತಕ ಸೇರಿದ್ದಾಳೆ. ನಿಗದಿತ ಅವಧಿಯೊಳಗೆ ಅತ್ಯಂತ ಹೆಚ್ಚಿನ ಸಂಖ್ಯೆಯ ಖಾದ್ಯಗಳನ್ನು ತಯಾರಿಸಿದ ಬಾಲೆ ಎಂಬ ಶ್ರೇಯಕ್ಕೆ ಸಾನ್ವಿ ಭಾಜನಳಾಗಿದ್ದಾಳೆ.

ಸಾನ್ವಿಯ ಈ ದಾಖಲೆಯ ವಿಡಿಯೋವನ್ನು ‘Saanvi Cloud 9’ ಎಂಬ ಹೆಸರಿನ ಆಕೆಯ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಬಿತ್ತರಿಸಲಾಗಿದೆ. ವಾಯುಪಡೆಯಲ್ಲಿ ವಿಂಗ್ ಕಮಾಂಡರ್‌ ಆಗಿರುವ ಪ್ರಜಿತ್‌ ಬಾಬು ಸಾನ್ವಿಯ ತಂದೆ.