ಪ್ರಣಯಕ್ಕಾಗಿ ಕಪ್ಪೆಗಳೂ ಬದಲಿಸುತ್ತವೆ ಬಣ್ಣ….!

ಊಸರವಳ್ಳಿ (ಗೋಸುಂಬೆ) ಬಣ್ಣ ಬದಲಿಸುತ್ತವೆ ಎಂಬುದನ್ನು ಬಹುತೇಕರು ಕೇಳಿರುತ್ತೇವೆ, ಹಲವರು ನೋಡಿರುತ್ತಾರೆ ಕೂಡ.

ಆದರೆ, ಇಲ್ಲಿ ಕಪ್ಪೆಗಳೂ ತಮ್ಮ ಮೈಬಣ್ಣ ಬದಲಾಯಿಸಿಕೊಳ್ಳುತ್ತವೆ. ನೋಡ ನೋಡುತ್ತಿದ್ದಂತೆಯೇ ಎಲ್ಲ ಕಪ್ಪೆಗಳೂ ಕಡುಹಳದಿ ಬಣ್ಣಕ್ಕೆ ತಿರುಗಿಬಿಡುತ್ತವೆ.

ಇದೇನ್ ಕಲಿಗಾಲನಪ್ಪಾ ? ಇದ್ಯಾವ ಕೇಡುಗಾಲದ ಮುನ್ಸೂಚನೆಯಪ್ಪಾ ? ಎಂದೆಲ್ಲ ಆಲೋಚಿಸುತ್ತಿರುವಿರಾ ? ವಿಷಯ ನೀವಂದುಕೊಂಡಂತಲ್ಲ. ಇದು ಪ್ರಕೃತಿ ಸಹಜ ಪ್ರಕ್ರಿಯೆ. ಆದರೆ, ಮನುಷ್ಯರಾದ ನಮಗೆ ವಿಸ್ಮಯದ ವಿಷಯ.

ಕಪ್ಪೆಗಳಿಗೆ ಮಳೆಗಾಲವೆಂದರೆ ಸುಗ್ಗಿ ಹಬ್ಬ. ಸಂಭ್ರಮದ ಕಾಲ. ಸಂತಾನೋತ್ಪತ್ತಿಯ ಸಕಾಲ. ಈ ಕಾಲದಲ್ಲಿ ಗಂಡು ಕಪ್ಪೆಗಳು, ಹೆಣ್ಣು ಕಪ್ಪೆಗಳನ್ನು ಆಕರ್ಷಿಸಿದರಷ್ಟೆ ಅವುಗಳ ವಿರಹ ವೇದನೆಗೊಂದು ವಿರಾಮ ಸಿಗಲು ಸಾಧ್ಯ.

ಹೀಗಾಗಿ ಹೆಣ್ಣು ಕಪ್ಪೆಗಳನ್ನು ಸೆಳೆಯಲು ಕಡುಹಳದಿ ಬಣ್ಣಕ್ಕೆ ತಿರುಗುವ ಗಂಡು ಕಪ್ಪೆಗಳು, ಸ್ವಯಂವರಕ್ಕೆ ಸಿದ್ಧವಾಗಿ ಕೂತುಬಿಡುತ್ತವೆ. ಸಾಲು-ಸಾಲು ಗಂಡು ಕಪ್ಪೆಗಳ ಮೈಬಣ್ಣಕ್ಕೆ ಮಾರು ಹೋಗುವ ಹೆಣ್ಣು ಕಪ್ಪೆಗಳು ಸಂಗಾತಿಯನ್ನು ಸೇರುತ್ತವೆ.

ಈ ವಿಸ್ಮಯದ ವಿಡಿಯೋ ಇದೀಗ ಟ್ವಿಟ್ಟರ್ ನಲ್ಲಿ ಹರಿದಾಡುತ್ತಿದ್ದು, ಮಧ್ಯಪ್ರದೇಶದ ನರಸಿಂಗಪುರ ಅರಣ್ಯ ವ್ಯಾಪ್ತಿಯಲ್ಲಿ ತಾವು ಕಂಡ ಹಳದಿ ಕಪ್ಪೆಗಳ ವಿಡಿಯೋವನ್ನು ಐಎಫ್ಎಸ್ ಅಧಿಕಾರಿ ಪ್ರವೀಣ್ ಕಸ್ವಾನ್ ಪೋಸ್ಟ್ ಮಾಡಿದ್ದಾರೆ.

https://twitter.com/MrMumble11/status/1282560008127778817?ref_src=twsrc%5Etfw%7Ctwcamp%5Etweetembed%7Ctwterm%5E1282560008127778817%7Ctwgr%5E&ref_url=https%3A%2F%2Fwww.indiatoday.in%2Ftrending-news%2Fstory%2Ffrogs-change-colour-to-bright-yellow-in-monsoon-to-attract-females-trending-video-impresses-twitter-1699999-2020-07-13