OLX ನಂಬಿ 65 ಸಾವಿರ ಹಣ ಕಳೆದುಕೊಂಡ ಯುವಕ

ಸೆಕೆಂಡ್​ ಹ್ಯಾಂಡ್​ಗೆ ವಸ್ತುಗಳನ್ನ ಮಾರಾಟ ಮಾಡೋಕೆ ಒಎಲ್​ಎಕ್ಸ್​ ಸಾಮಾಜಿಕ ಜಾಲತಾಣದಲ್ಲಿ ವೇದಿಕೆಯನ್ನ ಕಲ್ಪಿಸಿದೆ. ಒಲ್​ಎಕ್ಸ್​ನಲ್ಲಿ ಅನೇಕ ಮಂದಿ ತಮಗೆ ಸೂಕ್ತವಾದ ವಸ್ತುಗಳನ್ನ ಕೊಳ್ಳುವಲ್ಲಿ ಹಾಗೂ ಮಾರುವಲ್ಲಿ ಯಶಸ್ವಿಯಾಗಿದ್ದರೆ ಇನ್ನೂ ಹಲವರು ಮೋಸಕ್ಕೆ ಒಳಗಾಗಿದ್ದಾರೆ.

ಭೋಪಾಲ್​ನಲ್ಲೂ ಇಂತಹದ್ದೇ ಒಂದು ವಂಚನೆ ಪ್ರಕರಣ ಬೆಳಕಿಗೆ ಬಂದಿದೆ. ಸೆಕೆಂಡ್​ ಹ್ಯಾಂಡ್​ ಬೈಕ್​ ಖರೀದಿ ಮಾಡಬೇಕು ಎಂದುಕೊಂಡಿದ್ದ ಭೋಪಾಲ್​​ನ ಯುವಕನಿಗೆ ಒಎಲ್​ಎಕ್ಸ್​ನಲ್ಲಿ ಆತನ ಬಜೆಟ್​ಗೆ ಹೊಂದುವ ಬೈಕ್​ ಇರೋದನ್ನ ಕಂಡುಕೊಂಡಿದ್ದ. ಪಂಜಾಬ್​​​ನ ವ್ಯಕ್ತಿಯೊಬ್ಬನ ಬಳಿ ಬೈಕ್​ ಕೊಳ್ಳಲು 65 ಸಾವಿರ ರೂಪಾಯಿ ನೀಡೋದಾಗಿ ಹೇಳಿದ್ದ.

ಅದರಂತೆ ಭೋಪಾಲ್​ನ ಯುವಕ ಪಂಜಾಬ್​ ವ್ಯಕ್ತಿಗೆ 65 ಸಾವಿರ ನೀಡುತ್ತಿದ್ದಂತೆಯೇ ಆತ ಬೈಕ್​ ಹಾಗೂ ಹಣದ ಸಮೇತ ಪರಾರಿಯಾಗಿದ್ದಾನೆ. ಕೂಡಲೇ ಯುವಕ ಸೈಬರ್​ ಸೆಲ್​ ಪೊಲೀಸರಿಗೆ ವಂಚನೆಯ ಬಗ್ಗೆ ದೂರು ನೀಡಿದ್ದಾನೆ. ಈ ಬಗ್ಗೆ ತನಿಖೆ ನಡೆಸಿದ ಪೊಲೀಸರು ಆರೋಪಿಯನ್ನ ಬಂಧಿಸಿದ್ದಾರೆ.