ನಕಲಿ ಮದ್ಯ ಸೇವನೆ ಮಾಡಿದ್ದ ನಾಲ್ವರ ದಾರುಣ ಸಾವು

ನಕಲಿ ಮದ್ಯವನ್ನ ಸೇವನೆ ಮಾಡಿದ ನಾಲ್ವರು ಮದ್ಯವಸನಿಗಳು ದಾರುಣವಾಗಿ ಸಾವಿಗೀಡಾದ ಘಟನೆ ಉತ್ತರ ಪ್ರದೇಶ ಚಿತ್ರಕೂಟದಲ್ಲಿ ನಡೆದಿದೆ.

ಈ ಘಟನೆ ಬಳಿಕ ಉತ್ತರ ಪ್ರದೇಶ ಪೊಲೀಸ್​ ಇಲಾಖೆ, ಬೀಟ್​ ಸಬ್​ ಇನ್​ಸ್ಪೆಕ್ಟರ್​ ಹಾಗೂ ಕಾನ್​ಸ್ಟೇಬಲ್​ನ್ನು ಅಮಾನತುಗೊಳಿಸಿದೆ ಎಂದು ಇನ್​ಸ್ಪೆಕ್ಟರ್ ಜನರಲ್​ ಕೆ.ಸತ್ಯನಾರಾಯಣ್​ ರಾವ್​ ಮಾಹಿತಿ ನೀಡಿದ್ರು.

ಶನಿವಾರ ರಾತ್ರಿ ಕೆಲವರು ಮದ್ಯ ಸೇವನೆ ಮಾಡಿದ್ದಾರೆ ಹಾಗೂ ಇದರಲ್ಲಿ ಇಲ್ಲಿಯವರೆಗೆ ನಾಲ್ವರು ಸಾವಿಗೀಡಾಗಿದ್ದಾರೆ. ಮೃತರಿಗೆ ನಕಲಿ ಮದ್ಯ ಪೂರೈಕೆ ಮಾಡಿದ ಔಟ್​ಲೆಟ್​ ಮ್ಯಾನೇಜರ್​ನ್ನು ವಶಕ್ಕೆ ಪಡೆದಿದ್ದೇವೆ. ಮಾತ್ರವಲ್ಲದೇ ಬೀಟ್ ಸಬ್​ಇನ್​ಸ್ಟೆಕ್ಟರ್​ ಹಾಗೂ ಕಾನ್​ಸ್ಟಬಲ್​ರನ್ನ ಅಮಾನತು ಮಾಡಲಾಗಿದೆ ಎಂದು ಮಾಹಿತಿ ನೀಡಿದ್ರು.