ʼಕೊರೊನಾʼದ ಹೊಸ ಗುಣಲಕ್ಷಣದ ಕುರಿತು ಇರಲಿ ಎಚ್ಚರ

ರಕ್ತದಲ್ಲಿ ಇದ್ದಕ್ಕಿದ್ದಂತೆ ಪ್ಲೇಟ್​ಲೆಟ್​ಗಳು ಇಳಿಕೆಯಾಗುವುದು ಹಾಗೂ ತೀವ್ರವಾದ ಆಯಾಸ ಉಂಟಾಗುವುದು ಇವು ಸಹ ಕೊರೊನಾದ ಆರಂಭಿಕ ಲಕ್ಷಣಗಳಾಗಿವೆ. ಇದಾದ ಬಳಿಕ ಜ್ವರ ಹಾಗೂ ತೀವ್ರ ಉಸಿರಾಟದ ತೊಂದರೆ ಉಂಟಾಗುತ್ತದೆ. ಈ ಲಕ್ಷಣಗಳನ್ನ ನಿರ್ಲಕ್ಷಿಸಿದಲ್ಲಿ ಮುಂದೆ ಮಾರಕವಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಆಜಾದ್​ ನಗರ ಪ್ಯಾರಾ ರಸ್ತೆಯ ನಿವಾಸಿ 60 ವರ್ಷದ ಅಲೀಮ್​ ಶೇಖ್​​ರಿಗೆ ಏಪ್ರಿಲ್​ 18ರಂದು ತೀವ್ರವಾದ ಆಯಾಸ ಕಂಡುಬಂದ ಹಿನ್ನೆಲೆ ರಕ್ತ ಪರೀಕ್ಷೆಯನ್ನ ಮಾಡಿಸಿಕೊಂಡಿದ್ದರು. ಸಾಮಾನ್ಯವಾಗಿ ರಕ್ತದಲ್ಲಿ 1.5 ರಿಂದ 4.5 ಲಕ್ಷ ಇರುತ್ತೆ. ಆದರೆ ಅಲೀಮ್​ ರಕ್ತದಲ್ಲಿ ಕೇವಲ 85 ಸಾವಿರ ಪ್ಲೇಟ್​ಲೆಟ್​ಗಳಷ್ಟೇ ಇದ್ದವು. ಇದಾದ ಬಳಿಕ ವೈದ್ಯರ ಸಲಹೆಯಂತೆ ಅಲೀಮ್​​ ಔಷಧಿ ಸೇವನೆ ಮಾಡಲು ಆರಂಭಿಸಿದ್ರು. ಆದರೆ ಏಪ್ರಿಲ್​ 23ರಂದು ಅಲೀಮ್​ಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡಿತು. ಈ ವೇಳೆ ರಕ್ತದಲ್ಲಿ ಪ್ಲೇಟ್​ಲೆಟ್​ಗಳ ಸಂಖ್ಯೆ 20 ಸಾವಿರಕ್ಕೆ ಇಳಿದಿತ್ತು. ಆದರೆ ಆಸ್ಪತ್ರೆಗೆ ದಾಖಲು ಮಾಡೋಣ ಅಂದರೆ ಅಲೀಮ್​ಗೆ ಹಾಸಿಗೆ ಕೂಡ ಸಿಗಲಿಲ್ಲ. ಅವರು ವೈದ್ಯಕೀಯ ಸೌಲಭ್ಯಕ್ಕಾಗಿ ಕಾಯುತ್ತಿದ್ದರು ಎಂದು ಅಲೀಮ್​ ಸೊಸೆ ಹೇಳಿದ್ದಾರೆ.

ಕೋವಿಡ್​ನಿಂದ ಸಾವಿಗೀಡಾದವರ ಶವ ಸಾಗಿಸಲೂ ಸಿಗದ ಆಂಬುಲೆನ್ಸ್: ತಂದೆ ಶವವನ್ನು ಕಾರ್‌ ಟಾಪ್‌ ಮೇಲೆ ಕಟ್ಟಿ ಕೊಂಡೊಯ್ದ ಪುತ್ರ

ಇದೇ ರೀತಿ ಬಲಂಗ್​ರಾಜ್​ ನಿವಾಸಿ ರಾಜ್​ ಕುಮಾರ್ ರಸ್ತೋಗಿ (59) ಕೂಡ ಏಪ್ರಿಲ್​ 13ರಂದು ಆಯಾಸಕ್ಕೀಡಾದರು. ಈ ವೇಳೆ ರಕ್ತದಲ್ಲಿ ಕೇವಲ 21 ಸಾವಿರ ಪ್ಲೇಟ್​ಲೆಟ್​ಗಳಿವೆ ಎಂಬ ವಿಚಾರ ತಿಳಿದುಬಂತು. ಏಪ್ರಿಲ್​ 15ರಂದು ರಸ್ತೋಗಿಗೆ ಉಸಿರಾಟದ ಸಮಸ್ಯೆ ಆರಂಭವಾಯ್ತು. ಕೂಡಲೇ ಅವರನ್ನ ಆಸ್ಪತ್ರೆಗೆ ದಾಖಲು ಮಾಡಿದಾಗ ರಸ್ತೋಗಿಗೆ ಕೋವಿಡ್ ನ್ಯೂಮೋನಿಯಾ ಇದೆ ಎಂಬ ವಿಚಾರ ಬೆಳಕಿಗೆ ಬಂದಿದೆ. ರಸ್ತೋಗಿಗೆ ಜ್ವರ, ಕೆಮ್ಮು, ನೆಗಡಿಯಂತಹ ಯಾವುದೇ ಲಕ್ಷಣಗಳು ಇರಲಿಲ್ಲ. ಆದರೆ ಅವರು ಚಿಕಿತ್ಸೆ ಫಲಕಾರಿಯಾಗದೇ ಏಪ್ರಿಲ್​ 20ರಂದು ನಿಧನರಾದ್ರು.

ಅದೇ ರೀತಿ ಸರೋಜಿನಿ ನಗರದ ನಿವಾಸಿ 78 ವರ್ಷದ ಅನುಪ್​ ಕುಮಾರ್​ ರಕ್ತದಲ್ಲೂ ಪ್ಲೇಟ್​ಲೆಟ್​ಗಳ ಸಂಖ್ಯೆ ಇಳಿಮುಖವಾಗಿತ್ತು. ಸಿಕ್ಕಾಪಟ್ಟೆ ಆಯಾಸದಿಂದ ಇರುತ್ತಿದ್ದ ಅನುಪ್​ರಿಗೆ ಆರ್​ಟಿ ಪಿಸಿಆರ್​ ಟೆಸ್ಟ್ ಮಾಡಿಸುವಂತೆ ವೈದ್ಯರು ಸೂಚನೆ ನೀಡಿದ್ದರು. ರಿಪೋರ್ಟ್​ನಲ್ಲಿ ಕೋವಿಡ್​ ಪಾಸಿಟಿವ್​ ಇರುವ ವಿಚಾರ ಬೆಳಕಿಗೆ ಬಂದಿದೆ. ಇವರಿಗೂ ಸಹ ಜ್ವರ, ಕೆಮ್ಮು ಕಾಣಿಸಿಕೊಂಡಿರಲಿಲ್ಲ.