ಕೋವಿಡ್​ನಿಂದ ಬಳಲುತ್ತಿರುವವರಿಗೆ ಸೋಂಕಿತ ವಿದ್ಯಾರ್ಥಿಗಳಿಂದ ವಿಶೇಷ ಸಂದೇಶ

ದೆಹಲಿಯ ಐಐಟಿಯ ವಿದ್ಯಾರ್ಥಿಗಳಲ್ಲಿ ಕೋವಿಡ್​ ಪಾಸಿಟಿವ್​ ಬಂದು ಕಾಲೇಜಿನ ಐಸೋಲೇಷನ್​ ಸೆಂಟರ್​ನಲ್ಲಿರುವ ವಿದ್ಯಾರ್ಥಿಗಳು ವಿಡಿಯೋ ಸಂದೇಶವೊಂದನ್ನ ಶೇರ್​ ಮಾಡಿದ್ದು ಕೋವಿಡ್​ನ್ನು ಹೇಗೆ ಧೈರ್ಯವಾಗಿ ಎದುರಿಸಬೇಕು ಅನ್ನೋದನ್ನ ತಿಳಿಸಿದ್ದಾರೆ.

ದೆಹಲಿಯ ಐಐಟಿ ಐಸೋಲೇಷನ್​​ ಕೇಂದ್ರದಲ್ಲಿ ಯಾವ ರೀತಿಯ ಸೌಲಭ್ಯಗಳನ್ನ ನೀಡಲಾಗಿದೆ ಅನ್ನೋದನ್ನ ವಿವರಿಸಿದ್ದಾರೆ.

ಪ್ರಸ್ತುತ ಇಲ್ಲಿ ಐವರು ವಿದ್ಯಾರ್ಥಿಗಳಿದ್ದಾರೆ. ಇವರೆಲ್ಲ ಕೊರೊನಾ ಸೋಂಕಿತರೇ ಆಗಿದ್ದು ಕ್ರಮೇಣವಾಗಿ ಇವರ ಆರೋಗ್ಯದಲ್ಲಿ ಚೇತರಿಕೆ ಕಂಡು ಬರ್ತಿದೆ ಎಂದು ವಿದ್ಯಾರ್ಥಿ ವಿಡಿಯೋದಲ್ಲಿ ವಿವರಿಸಿದ್ದಾರೆ.

ಹೋಮಿಯೋಪತಿ ಮಾತ್ರೆ ಸೇವಿಸಿ ಒಂದೇ ಕುಟುಂಬದ 8 ಕೊರೊನಾ ರೋಗಿಗಳ ಸಾವು

ಐಐಟಿಯ ಪಿಹೆಚ್​ಡಿ ವಿದ್ಯಾರ್ಥಿಯಾಗಿರುವ ರಾಹುಲ್​ ಜೈಸ್ವಾಲ್​ ಐಸೋಲೇಷನ್​ ಕೇಂದ್ರದಲ್ಲಿ ತಮ್ಮ ಅನುಭವ ಹೇಗಿತ್ತು ಅನ್ನೋದನ್ನ ವಿವರಿಸಿದ್ದಾರೆ. ಕೊರೊನಾ ಲಕ್ಷಣಗಳನ್ನ ಕಂಡ ಬಳಿಕ ನಾನು ಐಟಿಟಿ ದೆಹಲಿ ಆಸ್ಪತ್ರೆಗೆ ಹೋದೆ. ಅಲ್ಲಿ ವೈದ್ಯರು ನನಗೆ ಆರ್​ಟಿ – ಪಿಸಿಆರ್ ಟೆಸ್ಟ್ ನಡೆಸಿದ್ರು. ವೈದ್ಯರ ಸಲಹೆಯಂತೆ ನಾನು ಗುಲ್​ಮೊಹರ್​ ಹಾಸ್ಟೆಲ್​ನಲ್ಲಿ ಕ್ವಾರಂಟೈನ್​ ಆಗಿದ್ದೆ. 2 ದಿನದಲ್ಲಿ ನನ್ನ ಕೋವಿಡ್​ ವರದಿ ಬಂದಿದ್ದು ನಾನು ಐಸೋಲೇಷನ್​ ಕೇಂದ್ರಕ್ಕೆ ಶಿಫ್ಟ್ ಆದೆ ಎಂದು ಜೈಸ್ವಾಲ್​ ಹೇಳಿದ್ರು.

ಇನ್ನೊಂದು ವಿಡಿಯೋದಲ್ಲಿ ವೆಂಕಟೇಶ್​ ಎಂಬವರು ಕ್ವಾರಂಟೈನ್​ ಸೌಲಭ್ಯವನ್ನ ವಿವರಿಸಿದ್ದಾರೆ. ಹಾಲಿನ ಪುಡಿ, ಟೀ ಬ್ಯಾಗ್​, ಎಲೆಕ್ಟ್ರಿಕ್​ ಕೆಟಲ್​​, ಸಕ್ಕರೆ, ಹಬೆ ತೆಗೆದುಕೊಳ್ಳುವ ವ್ಯವಸ್ಥೆ ಹೀಗೆ ಎಲ್ಲಾ ರೀತಿಯ ವ್ಯವಸ್ಥೆಯನ್ನ ಇಲ್ಲಿ ಒದಗಿಸಲಾಗಿದೆ. ಅಲ್ಲದೇ ಕಿಟಕಿ ಮೂಲಕ ವಿದ್ಯಾರ್ಥಿಗಳಿಗೆ ಆಹಾರವನ್ನ ನೀಡುವ ವ್ಯವಸ್ಥೆಯನ್ನೂ ಮಾಡಿದ್ದಾರೆ ಎಂದು ವೆಂಕಟೇಶ್​ ಹೇಳಿದ್ರು.