ದೆಹಲಿಯ ಅತಿದೊಡ್ಡ ಕೊರೊನಾ ವೈರಸ್ ಚಿಕಿತ್ಸಾ ಕೇಂದ್ರದಲ್ಲಿ ವೈದ್ಯರು ಕೊರೊನಾ ರೋಗಿಗಳ ಜೊತೆ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಯೋಗ ಮಾಡೋ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ರು.
ಇದೀಗ ಮತ್ತೊಂದು ಕೋವಿಡ್ ಕೇರ್ ಕೇಂದ್ರದಲ್ಲಿ ರೋಗಿಗಳೊಂದಿಗೆ ನೃತ್ಯ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗ್ತಿದೆ.
ವಿಡಿಯೋದಲ್ಲಿ ಕೊರೊನಾ ರೋಗಿಗಳ ಜೊತೆ ಪಿಪಿಇ ಕಿಟ್ ಧರಿಸಿದ ವೈದ್ಯರು ನೃತ್ಯ ಮಾಡುತ್ತಿದ್ದಾರೆ. ಇದಕ್ಕೂ ಮುನ್ನ ರೋಗಿಗಳ ಮನೋಸ್ಥೈರ್ಯವನ್ನ ಹೆಚ್ಚಿಸಲು ಬೆಂಗಳೂರು, ಕಾನ್ಪುರ್ ಹಾಗೂ ಚೆನ್ನೈ ಸೇರಿದಂತೆ ಹಲವೆಡೆ ವೈದ್ಯರು ನೃತ್ಯ ಮಾಡಿದ ವಿಡಿಯೋಗಳು ಸುದ್ದಿ ಮಾಡಿದ್ದವು. ಇಂತಹ ಗಂಭೀರ ಸನ್ನಿವೇಶದ ನಡುವೆಯೂ ಒತ್ತಡ ನಿವಾರಣೆಗೆ ವೈದ್ಯರು ಕೈಗೊಂಡ ಈ ಕ್ರಮ ಜನ ಮೆಚ್ಚುಗೆಗೆ ಪಾತ್ರವಾಗ್ತಿದೆ.
ಮಹಾರಾಷ್ಟ್ರ ಮತ್ತು ತಮಿಳುನಾಡು ನಂತರ ಭಾರತದಲ್ಲಿ ಕೊರೊನಾ ವೈರಸ್ ಅತಿ ಹೆಚ್ಚು ಹಾನಿಗೊಳಗಾದ ರಾಜ್ಯ ದೆಹಲಿಯಾಗಿದೆ. ನಗರ-ರಾಜ್ಯದ ಜನಸಂಖ್ಯೆಯ ಸುಮಾರು ಕಾಲು ಭಾಗವು ಈವರೆಗೆ ಕೋವಿಡ್-19 ನಿಂದ ಬಳಲಿದೆ.
Loading ...