ವಜ್ರ ರೀತಿಯ ಹರಳು ಪತ್ತೆ: ಹೆಚ್ಚಿನ ತನಿಖೆಗೆ ಮುಂದಾದ ಸರ್ಕಾರ

ನಾಗಾಲ್ಯಾಂಡ್​​ನ ರೈತನೊಬ್ಬನಿಗೆ ವಜ್ರದ ರೀತಿಯ ಕಲ್ಲು ಕಂಡುಬಂದ ಹಿನ್ನೆಲೆ ರಾಜ್ಯ ಸರ್ಕಾರ ಭೂ ವಿಜ್ಞಾನಿಗಳಿಗೆ ಈ ಬಗ್ಗೆ ತನಿಖೆ ನಡೆಸುವಂತೆ ಸೂಚನೆ ನೀಡಿದೆ.

ನಾಗಾಲ್ಯಾಂಡ್​ನ ಸೋಮ ಜಿಲ್ಲೆಯಲ್ಲಿ ವಜ್ರದ ರೀತಿಯ ಕಲ್ಲುಗಳು ದೊರೆತಿದ್ದು ಸಾಮಾಜಿಕ ಜಾಲತಾಣದಲ್ಲಿ ಫೋಟೋಗಳು ವೈರಲ್​ ಆಗಿದ್ದವು.

ಹೀಗಾಗಿ ರಾಜ್ಯ ಸರ್ಕಾರ ಈ ಬಗ್ಗೆ ತನಿಖೆ ನಡೆಸಲು ಆಸಕ್ತಿ ತೋರಿಸಿದೆ. ನಾಗಾಲ್ಯಾಂಡ್​ನ ಭೂ ವಿಜ್ಞಾನ ಹಾಗೂ ಗಣಿಗಾರಿಕಾ ನಿರ್ದೇಶಕ ಎಸ್​ ಮಾನೇನ್​ ಹೊರಡಿಸಿದ ಆದೇಶದಲ್ಲಿ ಅಬೆಂಟುಂಗ್​ ಲೋಥಾ, ಲಾಂಗ್ರಿಕಾಬಾ, ಕೆನ್ಯೆಲೊ ರೆಂಗ್ಮಾ ಹಾಗೂ ಡೇವಿಡ್​ ಲುಪೆನಿ ಎಂದ ನಾಲ್ಕು ಭೂ ವಿಜ್ಞಾನಿಗಳ ಹೆಸರನ್ನ ನಮೂದಿಸಲಾಗಿದೆ.

ಈ ತಂಡವು ನವೆಂಬರ್​ 30 ಅಥವಾ ಡಿಸೆಂಬರ್​ 1ರಂದು ಗ್ರಾಮವನ್ನ ತಲುಪುವ ಸಾಧ್ಯತೆ ಇದೆ.