ʼಪಾಕ್​ ಮುರ್ದಾಬಾದ್ʼ​ ಹೇಳಲು ಒತ್ತಾಯಿಸಿ ವ್ಯಕ್ತಿ ಮೇಲೆ ಹಲ್ಲೆ

ವ್ಯಕ್ತಿಯೊಬ್ಬನಿಗೆ ಚೆನ್ನಾಗಿ ಥಳಿಸುತ್ತಾ ಪಾಕಿಸ್ತಾನ ಮುರ್ದಾಬಾದ್​ ಎಂದು ಹೇಳು ಅಂತಾ ಒತ್ತಾಯಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ವರದಿಗಳ ಪ್ರಕಾರ ಈ ಘಟನೆಯು ದೆಹಲಿಯ ಖಾಜುರಿ ಖಾಸ್​ ಏರಿಯಾದಲ್ಲಿ ನಡೆದಿದೆ ಎನ್ನಲಾಗಿದೆ.

ವಿಡಿಯೋ ವೈರಲ್​ ಆಗುತ್ತಿದ್ದಂತೆಯೇ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಆರೋಪಿಯನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ವಿಡಿಯೋದಲ್ಲಿ ಸಂತ್ರಸ್ತ ನೆಲದ ಮೇಲೆ ಕೂತಿದ್ದರೆ ಬಂಧಿತ ಆರೋಪಿ ಅಜಯ್​ ಗೋಸ್ವಾಮಿ ಎಂಬಾತ ಆತನನ್ನ ಥಳಿಸುತ್ತಾ ಪಾಕಿಸ್ತಾನ ಮುರ್ದಾಬಾದ್​ ಎಂದು ಹೇಳು ಅಂತಾ ಪೀಡಿಸಿದ್ದಾನೆ. ಇನ್ನು ವಿಡಿಯೋ ಮಾಡುತ್ತಿದ್ದ ವ್ಯಕ್ತಿ ಹಿಂದೂಸ್ತಾನ ಜಿಂದಾಬಾದ್​​, ಪಾಕಿಸ್ತಾನ ಮುರ್ದಾಬಾದ್​ ಹಾಗೂ ಅಸಾದುದ್ದೀನ್​ ಓವೈಸಿ ಮುರ್ದಾಬಾದ್​ ಎಂದು ಹೇಳುತ್ತಿದ್ದಾನೆ.

ಪತಿ-ಪತ್ನಿಯ ನಡುವೆ ಪ್ರಿಯತಮನ ಆಗಮನ: ನಡು ರಸ್ತೆಯಲ್ಲಿಯೇ ಉರುಳಿ ಬಿತ್ತು ಗಂಡನ ಹೆಣ

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದ್ದು ಪೊಲೀಸರು ಅಲರ್ಟ್ ಆಗಿದ್ದಾರೆ. ಇನ್ನು ಈ ಸಂಬಂಧ ಟ್ವೀಟ್​ ಮಾಡಿರುವ ಈಶಾನ್ಯ ದೆಹಲಿ ಡಿಸಿಪಿ : ಸೋಶಿಯಲ್​ ಮೀಡಿಯಾದಲ್ಲಿ ಖಜುರಿಖಾಸ್​ ಏರಿಯಾದಲ್ಲಿ ನಡೆದ ಘಟನೆಯ ವಿಡಿಯೋವೊಂದು ವ್ಯಾಪಕವಾಗಿ ಹರಿದಾಡುತ್ತಿತ್ತು. ಈ ಘಟನೆ ಸಂಬಂಧ ಪ್ರಕರಣ ದಾಖಲು ಮಾಡಲಾಗಿದೆ ಹಾಗೂ ಆರೋಪಿಯನ್ನೂ ಬಂಧಿಸಲಾಗಿದೆ. ತನಿಖೆ ಪ್ರಗತಿಯಲ್ಲಿದೆ ಎಂದು ಬರೆದಿದ್ದಾರೆ. ಗೋಸ್ವಾಮಿ ಈಶಾನ್ಯ ದೆಹಲಿ ಗಲಭೆ ಪ್ರಕರಣ ಆರೋಪಿಯಾಗಿದ್ದರೆ ಹಲ್ಲೆಗೊಳಗಾಗಿದ್ದ ವ್ಯಕ್ತಿ ಕೂಡ ಕ್ರಿಮಿನಲ್​ ಹಿನ್ನೆಲೆಯುಳ್ಳವನಾಗಿದ್ದಾನೆ.