ದೆಹಲಿಯ ಎಲ್ಎನ್ಜೆಪಿ ಆಸ್ಪತ್ರೆಯಲ್ಲಿ ನಕಲಿ ವೈದ್ಯನಾಗಿ ಸೇವೆ ಸಲ್ಲಿಸುತ್ತಿದ್ದ ವ್ಯಕ್ತಿಯನ್ನ ಪೊಲೀಸರು ಬಂಧಿಸಿದ್ದಾರೆ. ವಿಶ್ವಜಿತ್ ಎಂಬ ವೈದ್ಯ ಈ ವ್ಯಕ್ತಿಯನ್ನ ತನ್ನ ಪರ ಕೆಲಸ ಮಾಡಲು ನೇಮಿಸಿಕೊಂಡಿದ್ದ ಎನ್ನಲಾಗಿದೆ. ಬಂಧಿತ ಆರೋಪಿ ದಿನಕ್ಕೆ 2 ಸಾವಿರ ರೂಪಾಯಿಯನ್ನ ವೇತನ ರೂಪದಲ್ಲಿ ಪಡೆಯುತ್ತಿದ್ದ .
ಬಂಧಿತ ವ್ಯಕ್ತಿಯನ್ನ ರಶೀದ್ ಖಾನ್ ಎಂದು ಗುರುತಿಸಲಾಗಿದೆ. ಈತ ಈ ಹಿಂದೆ ಆಸ್ಪತ್ರೆಯಲ್ಲೇ ಕೆಲಸ ಮಾಡಿದವನಾಗಿದ್ದರಿಂದ ಔಷಧಿಗಳ ಬಗ್ಗೆ ಕೊಂಚ ಜ್ಞಾನ ಸಂಪಾದಿಸಿದ್ದ.
ಹೀಗಾಗಿ ಈತ ಆಸ್ಪತ್ರೆಯಲ್ಲಿ ವಿಶ್ವಜಿತ್ರಂತೆ ನಟಿಸುತ್ತಿದ್ದ ಎಂದು ತಿಳಿದು ಬಂದಿದೆ. ರಶೀದ್ ಖಾನ್ ನಡವಳಿಕೆ ನೋಡಿದ ಆಸ್ಪತ್ರೆ ಸಿಬ್ಬಂದಿ ಗುರುತಿನ ಚೀಟಿ ಕೇಳಿದ ಮೇಲೆ ಈತನ ಕಳ್ಳಾಟ ಬೆಳಕಿಗೆ ಬಂದಿದೆ.
ಗಂಭೀರ ಸ್ಥಿತಿಯಲ್ಲಿದ್ದ ರೋಗಿಗಳ ಚಿಕಿತ್ಸೆಗೂ ರಶೀದ್ ಖಾನ್ ಹಾಜರಾಗಿದ್ದನಂತೆ. ಯಾರಿಗೂ ತಾನು ವಿಶ್ವಜಿತ್ ಅಲ್ಲ ಎಂಬ ಅನುಮಾನ ಬರಬಾರದು ಎಂಬ ಕಾರಣಕ್ಕೆ ಸದಾಕಾಲ ಮಾಸ್ಕ್ ಧರಿಸುತ್ತಿದ್ದ ಹಾಗೂ ವೈದ್ಯರಂತೆ ಬಿಳಿ ಕೋಟ್ ಸ್ಟೆತಾಸ್ಕೋಪ್ ಧರಿಸುತ್ತಿದ್ದ ಅಂತಾ ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
Loading ...