‘ಕೊರೊನಾ ವಿರುದ್ಧದ ಹೋರಾಟದಲ್ಲಿ ಭಾರತವೇ ಮುಂಚೂಣಿ’

ಕೊರೊನಾ ನಿಯಂತ್ರಣಕ್ಕೆ ರಾಜ್ಯಗಳು ಕೈಗೊಂಡಿರುವ ಕ್ರಮಗಳ ಬಗ್ಗೆ ಚರ್ಚೆ ನಡೆಸುವ ಸಲುವಾಗಿ ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ದನ್ ಆಂಧ್ರ ಪ್ರದೇಶ, ಆಸ್ಸಾಂ, ಹರಿಯಾಣ, ಹಿಮಾಚಲ ಪ್ರದೇಶ, ಕೇರಳ, ಪಂಜಾಬ್​. ರಾಜಸ್ಥಾನ, ತೆಲಂಗಾಣ ಮತ್ತು ಪಶ್ಚಿಮ ಬಂಗಾಳದ ಆರೋಗ್ಯ ಸಚಿವರ ಜೊತೆ ಸಭೆ ನಡೆಸಿದ್ರು.

ಕೊರೊನಾ ವಿರುದ್ಧ ಹೋರಾಡೋಕೆ ಇಡೀ ದೇಶವೇ ಒಂದಾಗಿದೆ. ಈ 10 ತಿಂಗಳಲ್ಲಿ ಕೊರೊನಾದ ವಿವಿಧ ಹಂತಗಳನ್ನ ನೋಡಿಬಿಟ್ಟಿದ್ದೇವೆ. ಕೇರಳದಲ್ಲಿ ಮೊದಲ ಕೇಸ್​ ದಾಖಲಾಗಿತ್ತು. ಇದೀಗ ಕೊರೊನಾ ಜೊತೆಗಿನ ಜೀವನ ಇಲ್ಲಿಗೆ ಬಂದು ನಿಂತಿದೆ ಅಂತಾ ಡಾ. ಹರ್ಷವರ್ಧನ್​ ಹೇಳಿದ್ರು.

ಪ್ರಧಾನಿ ಮೋದಿ ನೇತೃತ್ವದಲ್ಲಿ ಕೊರೊನಾ ತಡೆಗೆ ಸಾಕಷ್ಟು ಕ್ರಮಗಳನ್ನ ಕೈಗೊಂಡಿದ್ದೇವೆ. ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಿಗಿಂತಲೂ ಭಾರತವೇ ಕೊರೊನಾ ವಿರುದ್ಧದ ಹೋರಾಟದಲ್ಲಿ ಮುಂಚೂಣಿಯಲ್ಲಿದೆ. ಅಲ್ಲದೇ ಭಾರತದಲ್ಲಿ ಕೊರೊನಾ ರಿಕವರಿ ರೇಟ್​ 92.56 ಶೇಕಡಾದಷ್ಟಾಗಿದೆ ಅಂತಾ ಹೇಳಿದ್ರು.