ದೇಶದಲ್ಲಿ ಹೆಚ್ಚುತ್ತಿದೆ ಕೊರೊನಾ ಆರ್ಭಟ: ಮರುಸೋಂಕಿತರ ಸಂಖ್ಯೆಯಲ್ಲೂ ಗಣನೀಯ ಪ್ರಮಾಣದಲ್ಲಿ ಏರಿಕೆ

ವಿಶ್ವಾದ್ಯಂತ ಕಳೆದ ಒಂದು ವರ್ಷಕ್ಕಿಂತಲೂ ಹೆಚ್ಚು ಸಮಯದಿಂದ ಕೊರೊನಾ ವೈರಸ್​ ತಾಂಡವವಾಡುತ್ತಲೇ ಇದೆ.

ಭಾರತ, ಅಮೆರಿಕ, ರಷ್ಯಾ ಹಾಗೂ ಬ್ರಿಟನ್​ ಸೇರಿದಂತೆ ಹೆಚ್ಚಿನ ರಾಷ್ಟ್ರಗಳಲ್ಲಿ ಕೊರೊನಾವನ್ನ ನಿಯಂತ್ರಣ ಮಾಡಲೇಬೇಕು ಅಂತಾ ಜನತೆಗೆ ಲಸಿಕೆ ನೀಡಲಾಗ್ತಿದೆ. ಆದರೆ ಇದರ ನಡುವೆಯೇ ಆಘತಕಾರಿ ಅಂಶವೊಂದು ಬೆಳಕಿಗೆ ಬಂದಿದೆ. ಹೊಸ ಅಧ್ಯಯನವೊಂದರಲ್ಲಿ ವಿಶ್ವದಲ್ಲಿ 1 ಪ್ರತಿಶತ ಜನರಿಗೆ ಕೊರೊನಾ ಎರಡನೇ ಬಾರಿಗೆ ದಾಳಿ ಮಾಡಿದೆ. ಅದೇ ಭಾರತದಲ್ಲಿ ಮರು ಸೋಂಕಿನ ಅಪಾಯ 4.5 ಪ್ರತಿಶತದಷ್ಟಿದೆ.

ಹಿಂದೂಸ್ತಾನ್​ ಟೈಮ್ಸ್​ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಇಂಡಿಯನ್​ ಕೌನ್ಸಿಲ್​ ಆಫ್​ ಮೆಡಿಕಲ್​ ರಿಸರ್ಚ್​ ವಿಜ್ಞಾನಿಗಳು ನಡೆಸಿದ ಅಧ್ಯಯನದಲ್ಲಿ ವಿಶ್ವದಲ್ಲಿ ಇಲ್ಲಿವರೆಗೆ ಕೊರೊನಾ ವೈರಸ್​ಗೆ ಎರಡನೇ ಬಾರಿಗೆ ತುತ್ತಾದವರ ಪ್ರಮಾಣ ಕೇವಲ 1 ಪ್ರತಿಶತದಷ್ಟಿದೆ. ಆದರೆ ಇದೇ ಭಾರತದಲ್ಲಿ ಕೊರೊನಾ ವೈರಸ್​ಗೆ ಎರಡನೇ ಬಾರಿ ತುತ್ತಾದವರ ಪ್ರಮಾಣ 4.5 ಪ್ರತಿಶತಕ್ಕೂ ಹೆಚ್ಚಿದೆ ಎಂದು ತಿಳಿದು ಬಂದಿದೆ.

ಕೊರೊನಾ ಸಂದರ್ಭದಲ್ಲೂ ಹೆಚ್ಚಿನ ಗಳಿಕೆಗೆ ಕಾರಣವಾಯ್ತು ಈ ಮಾರ್ಗ

ಇಂಡಿಯನ್​ ಕೌನ್ಸಿಲ್​ ಆಫ್​ ಮೆಡಿಕಲ್​ ರಿಸರ್ಚ್​ನ ವಿಜ್ಞಾನಿಗಳು ನೀಡಿರುವ ಮಾಹಿತಿಯ ಪ್ರಕಾರ ದೇಶದಲ್ಲಿ ಮತ್ತೊಮ್ಮೆ ಕೊರೊನಾದ ಅಲೆ ಜೋರಾಗಿದ್ದು ಇದೊಂದು ಗಂಭೀರ ಪ್ರಕರಣವಾಗಿದೆ. ಒಮ್ಮೆ ಕೊರೊನಾದಿಂದ ಬಚಾವಾದ ಬಳಿಕ ದೇಹದಲ್ಲಿ ಆಂಟಿಬಾಡಿ ಉತ್ಪತ್ತಿ ಆಗುತ್ತೆ. ಇದರಿಂದ ಕೊರೊನಾ ಎರಡನೇ ಬಾರಿ ಹರಡುವ ಅಪಾಯ ಸಾಮಾನ್ಯವಾಗಿ ಕಡಿಮೆ ಇರುತ್ತದೆ. ಆದರೆ ಈ ಆಂಟಿಬಾಡಿ ಶಾಶ್ವತವಾಗಿ ದೇಹದಲ್ಲಿ ಇರೋದಿಲ್ಲ. ಹೀಗಾಗಿ ಎರಡನೇ ಬಾರಿಗೆ ಸೋಂಕಿಗೆ ತುತ್ತಾದವರಲ್ಲಿ ಗಂಭೀರ ಲಕ್ಷಣಗಳು ಕಂಡುಬರ್ತಿವೆ.