ಗುಡ್ ನ್ಯೂಸ್: ಪುರುಷರಿಗೆ ಮಕ್ಕಳ ಪಾಲನೆ ರಜೆ ಸೌಲಭ್ಯ

ನವದೆಹಲಿ: ಮಹಿಳೆಯರಿಗೆ ಹೆರಿಗೆ ರಜೆ ಸೌಲಭ್ಯ ಇರುವ ರೀತಿಯಲ್ಲೇ ಪುರುಷರಿಗೆ ಚೈಲ್ಡ್ ಕೇರ್ ಲೀವ್ ಸೌಲಭ್ಯ ಕಲ್ಪಿಸಲು ಕೇಂದ್ರ ಸರ್ಕಾರ ಕ್ರಮಕೈಗೊಂಡಿದೆ.

ಮಹಿಳೆಯರಿಗೆ ಹೆರಿಗೆ ರಜೆ, ಚೈಲ್ಡ್ ಕೇರ್ ಲೀವ್ ಸೌಲಭ್ಯವಿದೆ. ಅದೇ ರೀತಿ ಅಪ್ಪಂದಿರಿಗೂ ಚೈಲ್ಡ್ ಕೇರ್ ಲೀವ್(ಮಗು ಪಾಲನೆ ರಜೆ) ಅವಕಾಶವನ್ನು ನೀಡಲಾಗುವುದು.

ಪುರುಷರಿಗೂ ಕೂಡ ರಜೆ ಸೌಲಭ್ಯ ನೀಡಬೇಕೆಂಬ ಒತ್ತಾಯ ಕೇಳಿ ಬಂದ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಕ್ರಮಕೈಗೊಂಡಿದೆ. ಕೇಂದ್ರದ ಸಿಬ್ಬಂದಿ ಮತ್ತು ತರಬೇತಿ ಸಚಿವ ಡಾ. ಜಿತೇಂದ್ರ ಸಿಂಗ್ ಈ ಕುರಿತು ಮಾಹಿತಿ ನೀಡಿದ್ದು, ಒಂಟಿ ಅಪ್ಪಂದಿರಿಗೆ ಮಾತ್ರ ಸೌಲಭ್ಯ ಕಲ್ಪಿಸಲಾಗುವುದು. ಪತ್ನಿ ಕಳೆದುಕೊಂಡವರು, ವಿಚ್ಚೇದಿತರು, ಅವಿವಾಹಿತರಾದ ಅಪ್ಪಂದಿರಿಗೆ ಈ ಸೌಲಭ್ಯ ನೀಡಲಾಗುವುದು. ತಾಯಿ ಅನುಪಸ್ಥಿತಿಯಲ್ಲಿ ಮಗುವಿನ ಪಾಲನೆ ಮಾಡುವ ಜವಾಬ್ದಾರಿ ತಂದೆ ಮೇಲಿರುತ್ತದೆ. ಹೀಗಾಗಿ ರಜೆ ಸೌಲಭ್ಯ ಕಲ್ಪಿಸಲು ಚಿಂತನೆ ನಡೆಸಲಾಗಿದೆ ಎಂದು ಹೇಳಲಾಗಿದೆ.