ಪ. ಬಂಗಾಳದಲ್ಲಿ ಬಿಜೆಪಿಯ ಇಬ್ಬರು ಶಾಸಕರಿಂದ ರಾಜೀನಾಮೆ

ಪಶ್ಚಿಮ ಬಂಗಾಳ ಚುನಾವಣೆಯಲ್ಲಿ 77 ಸೀಟುಗಳನ್ನ ಗೆದ್ದಿದ್ದ ಬಿಜೆಪಿ ಇದೀಗ 2 ಸ್ಥಾನಗಳನ್ನ ಕಳೆದುಕೊಂಡಿದೆ. 2 ಕ್ಷೇತ್ರದಲ್ಲಿ ಗೆಲುವನ್ನ ಸಾಧಿಸಿದ ಸಂಸದರು ಈ ಸ್ಥಾನದಲ್ಲೇ ಮುಂದುವರಿಯಲು ನಿರ್ಧರಿಸಿದ ಕಾರಣ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಇದರಿಂದಾಗಿ ಪಶ್ಚಿಮ ಬಂಗಾಳದಲ್ಲಿ ಬಿಜೆಪಿ ಸಂಖ್ಯಾಬಲ 77 ರಿಂದ 75ಕ್ಕೆ ಇಳಿಕೆ ಕಂಡಿದೆ.

ಜಗನ್ನಾಥ್​ ಸರ್ಕಾರ ಸಾಂತಿಪುರ ಕ್ಷೇತ್ರದಲ್ಲಿ ಜಯಭೇರಿ ಬಾರಿಸೋದ್ರ ಮೂಲಕ ಶಾಸಕರಾಗಿ ಆಯ್ಕೆಯಾಗಿದ್ರು. ಅದೇ ರೀತಿ ನಿಸಿತ್​​ ಪ್ರಾಮಾಣಿಕ್​ ಸಹ ದಿನ್ಹಟಾ ಕ್ಷೇತ್ರದಿಂದ ಗೆಲುವನ್ನ ಸಾಧಿಸಿದ್ರು. ಇದೀಗ ಇವರಿಬ್ಬರೂ ವಿಧಾನಸಭೆ ಸ್ಪೀಖರ್​ ಬಿಮನ್​ ಬ್ಯಾನರ್ಜಿಗೆ ತಮ್ಮ ರಾಜೀನಾಮೆ ಪತ್ರವನ್ನ ಸಲ್ಲಿದ್ದಾರೆ.‌

ಕೂಚ್​ ಬೆಹರ್​ ಸಂಸದ ನಿಸಿತ್​ ಪ್ರಾಮಾಣಿಕ್​​ ಹಾಗೂ ರಾಣಾಘಾಟ್​​ ಕ್ಷೇತ್ರದ ಸಂಸದ ಜಗನ್ನಾಥ್​ ಸರ್ಕಾರ ಸಂಸದ ಸ್ಥಾನದಲ್ಲಿಯೇ ಮುಂದುವರಿಯಲು ನಿರ್ಧರಿದ್ದಾರೆ. ಹೀಗಾಗಿ ಬುಧವಾರ ಅವರು ಸ್ಪೀಕರ್​ ಬಿಮನ್ ಬ್ಯಾನರ್ಜಿಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ರು.

ಇನ್ನು ಈ ವಿಚಾರವಾಗಿ ಮಾತನಾಡಿದ ಪ್ರಾಮಾಣಿಕ್​, ನಾವು ಪಕ್ಷದ ನಿರ್ಧಾರದಂತೆ ನಡೆದುಕೊಂಡಿದ್ದೇವೆ. ಪಕ್ಷದ ನಾಯಕರು ನಾವು ಸಂಸದ ಸ್ಥಾನದಲ್ಲೇ ಮುಂದುವರಿಬೇಕು ಎಂದು ಹೇಳಿದ್ರು. ಹಾಗೂ ನಾವು ಅದೇ ರೀತಿ ನಡೆದುಕೊಂಡೆವು ಎಂದು ಹೇಳಿದ್ದಾರೆ.