ಆರ್ಟ್ ಗ್ಯಾಲರಿಯಾಗಿ ಬದಲಾಯ್ತು ಪಾಳು ಬಿದ್ದ ಶೌಚಾಲಯ..!

ಈ ನಿಟ್ಟಿನಲ್ಲಿ ಈಗಾಗಲೇ ಅನೇಕ ಪರಿಸರ ಪ್ರೇಮಿಗಳು ತ್ಯಾಜ್ಯಗಳನ್ನ ಬಳಸಿ ಉಪಯುಕ್ತ ವಸ್ತುಗಳನ್ನ ತಯಾರಿಸುವ ಕೆಲಸ ಮಾಡುತ್ತಿದ್ದಾರೆ. ಇಂತಹದ್ದೇ ಒಂದು ಪ್ರಯತ್ನದಲ್ಲಿ ಊಟಿ ಸ್ಥಳೀಯ ಆಡಳಿತ ಪಾಳು ಬಿದ್ದಿದ್ದ ಶೌಚಾಲಯದ ಕಟ್ಟಡವನ್ನ ಆರ್ಟ್​ ಗ್ಯಾಲರಿಯನ್ನಾಗಿ ಪರಿವರ್ತಿಸುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದೆ.

ಐಎಎಸ್​ ಅಧಿಕಾರಿ ಸುಪ್ರಿಯಾ ಸಾಹು ಈ ವಿಶೇಷವಾದ ಆರ್ಟ್ ಗ್ಯಾಲರಿ ಪುಟಾಣಿ ವಿಡಿಯೋವನ್ನ ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದಾರೆ. ಪುರಸಭೆ ವತಿಯಿಂದ ನಿರ್ಮಾಣವಾಗಿದ್ದ ಈ ಶೌಚಾಲಯ ಪಾಳು ಬಿದ್ದಿದ್ದು ಇದನ್ನೀಗ ಆರ್ಟ್ ಗ್ಯಾಲರಿಯಾಗಿ ಬದಲಾಯಿಸಲಾಗಿದೆ ಅಂತಾ ಮಾಹಿತಿ ನೀಡಿದ್ದಾರೆ.

2018ರಲ್ಲಿ ಸಾರ್ವಜನಿಕ ಬಳಕೆಗೆ ಮುಕ್ತವಾದ ಈ ಆರ್ಟ್ ಗ್ಯಾಲರಿ ಮಾಧವನ್​ ಪಿಳ್ಳೈ, ಶೋಭನಾ ಚಂದ್ರಶೇಖರ್​ ಹಾಗೂ ಅನಿತಾ ನಂಜಪ್ಪರ ಕನಸಿನ ಕೂಸಾಗಿತ್ತು. ಇದು ಆರ್ಟ್ ಗ್ಯಾಲರಿಯ ಜೊತೆ ಜೊತೆಗೆ ಸ್ಥಳೀಯರ ಪಾಲಿನ ಗ್ರಂಥಾಲಯವೂ ಹೌದು. ಕಟ್ಟಡದ ಹೊರಭಾಗಕ್ಕೆ ಗಾಢ ಹಳದಿ ಬಣ್ಣ ಬಳಿಯಲಾಗಿದೆ. ಹಾಗೂ ಒಳ ಭಾಗದಲ್ಲಿ ಹಿತವಾದ ತಿಳಿ ನೀಲಿ ಬಣ್ಣದಿಂದ ಅಲಂಕರಿಸಲಾಗಿದೆ.