ಕಳೆದ ವರ್ಷ ಅಲೆಕ್ಸಾ ಬಳಕೆದಾರರು ಎಷ್ಟು ಬಾರಿ ‘ಐ ಲವ್​ ಯೂ’ ಹೇಳಿದ್ದಾರೆ ಗೊತ್ತಾ….?

ಅಮೆಜಾನ್ ವಾಯ್ಸ್​ ಅಸಿಸ್ಟಂಟ್​​ ಅಲೆಕ್ಸಾ ಭಾರತದಲ್ಲಿ ಮೂರು ವರ್ಷ ಪೂರೈಸಿದೆ. ಈ ಮೂರು ವರ್ಷದಲ್ಲಿ ಅಲೆಕ್ಸಾದ ಸಂವಹನ ಸಾಮರ್ಥ್ಯ 67 ಪ್ರತಿಶತ ಹೆಚ್ಚಾಗಿದೆ.

ವಿಶೇಷ ಅಂದರೆ ಭಾರತದ ಬಳಕೆದಾರರು 2020ರಲ್ಲಿ ಒಟ್ಟು 19 ಸಾವಿರ ಬಾರಿ ಐ ಲವ್​ ಯೂ ಎಂದು ಹೇಳಿದ್ದಾರಂತೆ..! 2019ಕ್ಕೆ ಹೋಲಿಸಿದ್ರೆ ಇದು 1200 ಪರ್ಸೆಂಟ್​ ಹೆಚ್ಚಾಗಿದೆ ಎಂದು ಕಂಪನಿ ತಿಳಿಸಿದೆ.

ಇನ್ನು ಇದರ ಜೊತೆಯಲ್ಲಿ ಭಾರತದಲ್ಲಿ ವಾಯ್ಸ್​ ಅಸಿಸ್ಟಂಟ್​​​ ಅಲೆಕ್ಸಾ ಬಳಿಕ ಹನುಮಾನ್​ ಚಾಲೀಸಾ, ಶೈತಾನ್​ ಕಾ ಸಾಲಾ ಹಾಗೂ ಬೇಬಿ ಶಾರ್ಕ್ ಹಾಡನ್ನ ಅಲೆಕ್ಸಾದಲ್ಲಿ ಹೆಚ್ಚು ಬಾರಿ ಕೇಳಲಾಗಿದೆ.

ಇದನ್ನ ಬಿಟ್ಟರೆ ಪ್ರಾಣಾಯಾಮ, ವರ್ಕೌಟ್​ ಮ್ಯೂಸಿಕ್​, ಗೇಮ್ಸ್​ , ಸೌಮ್ಯ ಸಂಗೀತ, ಶಾಯರಿಯನ್ನ ಹೆಚ್ಚಾಗಿ ಕೇಳಲಾಗಿದೆ. ಭಾರತದಲ್ಲಿ ಅಲೆಕ್ಸಾ ಇಂಗ್ಲಿಷ್​, ಹಿಂದಿ ಹಾಗೂ ಹಿಂದಿ ಮಿಶ್ರಿತ ಇಂಗ್ಲಿಷ್​ ಭಾಷೆಯಲ್ಲಿ ಸಂವಹನ ನಡೆಸುತ್ತದೆ.