ಕೊರೊನಾ ವೈರಸ್ ವಿರುದ್ಧ ಶನಿವಾರದಿಂದ ಅಸಲಿ ಹೋರಾಟ ಆರಂಭಿಸಿರುವ ಪ್ರಧಾನಿ ಮೋದಿ ನೇತೃತ್ವದ ಸರ್ಕಾರ ಲಸಿಕೆ ವಿತರಣೆಗೆ ಗ್ರೀನ್ ಸಿಗ್ನಲ್ ನೀಡಿದೆ. ಇದರ ಜೊತೆಯಲ್ಲಿ ಕೇಂದ್ರ ಸರ್ಕಾರ ಕೋವಿನ್ ಎಂಬ ಅಪ್ಲಿಕೇಶನ್ನ್ನೂ ಅಭಿವೃದ್ಧಿಪಡಿಸಿದೆ.
ಪ್ರಸ್ತುತ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಳ್ಳಲು ಲಭ್ಯವಿಲ್ಲ. ಪ್ಲೇಸ್ಟೋರ್ಗಳಲ್ಲಿ ಕೇಂದ್ರ ಸರ್ಕಾರದ ಈ ಅಪ್ಲಿಕೇಶನ್ ಲಭ್ಯವಾಗುತ್ತಿದ್ದಂತೆಯೇ ದೇಶದ ಜನತೆ ಇದರ ಮೂಲಕ ಲಸಿಕೆಗೆ ನೋಂದಾಯಿಸಿಕೊಳ್ಳಬಹುದಾಗಿದೆ.
ಈ ಅಪ್ಲಿಕೇಶನ್ ಬಳಕೆಗೆ ಲಭ್ಯವಾದ ಬಳಿಕ ಇದರಲ್ಲಿ ಕೊರೊನಾ ಲಸಿಕೆ ನೋಂದಣಿಗೆ ಮೂರು ಆಯ್ಕೆಗಳು ಲಭಿಸಲಿದೆ. ಸ್ವಯಂ ನೋಂದಣಿ, ವೈಯಕ್ತಿಕ ನೊಂದಣಿ ಹಾಗೂ ಬೃಹತ್ ಅಪ್ಲೋಡ್ ಎಂಬ ಮೂರು ಆಯ್ಕೆಗಳು ಸಿಗಲಿದೆ.
ಹಾಗೆಯೇ ಈ ಅಪ್ಲಿಕೇಶನ್ನಲ್ಲಿ ನಾಲ್ಕು ಮಾಡ್ಯೂಲ್ಗಳು ಇರಲಿವೆ. ಇದು ಬಳಕೆದಾರರ ನಿರ್ವಾಹಕ ಮಾಡ್ಯೂಲ್, ಫಲಾನುಭವಿಗಳ ನೋಂದಣಿ, ವ್ಯಾಕ್ಸಿನೇಷನ್ ಮತ್ತು ಫಲಾನುಭವಿಗಳ ಸ್ವೀಕೃತಿ ಮತ್ತು ಸ್ಥಿತಿ ನವೀಕರಣ ಎಂಬ ನಾಲ್ಕು ಮಾಡ್ಯೂಲ್‌ಗಳನ್ನು ಹೊಂದಿರುತ್ತದೆ. ಕೊರೊನಾ ಲಸಿಕೆ ಸ್ವೀಕರಿಸಿದವರ ಮಾಹಿತಿಗಾಗಿ ಈ ಅಪ್ಲಿಕೇಶನ್ ಸಹಾಯ ಮಾಡುತ್ತೆ.
ಲಸಿಕೆ ನೋಂದಣಿ ಮಾಡುವವರಿಗೆ ಹಾಗೂ ಆರೋಗ್ಯ ಕಾರ್ಯಕರ್ತರಿಗಾಗಿ 12 ಭಾಷೆಗಳ ಮೆಸೇಜ್ ಒಂದನ್ನ ಕಳುಹಿಸಲಾಗುತ್ತೆ. ಎಲ್ಲಾ ಮಾಹಿತಿಗಳನ್ನ ನೀಡಿದ ಬಳಿಕ ಕ್ಯೂ ಆರ್ ಕೋಡ್ ಆಧಾರಿತ ಲಸಿಕೆ ಪ್ರಮಾಣಪತ್ರ ನೀಡಲಾಗುತ್ತೆ. ಹಾಗೂ ಈ ಕ್ಯೂ ಆರ್ ಕೋಡ್ನ್ನ ಮೊಬೈಲ್ ಫೋನ್ನಲ್ಲಿ ಸೇವ್ ಮಾಡಿಕೊಳ್ಳುವಂತೆ ಹೇಳಲಾಗಿದೆ.
ಈ ಅಪ್ಲಿಕೇಶನ್ನ್ನು ನಾವು ಸಾರ್ವಜನಿಕ ಬಳಕೆಗೆ ನೀಡಲಿದ್ದೇವೆ. ಒಂದು ವೇಳೆ ನಿಮ್ಮ ಹೆಸರು ಲಸಿಕೆ ಪಟ್ಟಿಯಲ್ಲಿ ಇಲ್ಲವಾದಲ್ಲಿ ನೀವು ಜಿಲ್ಲಾ ಮಟ್ಟದ ಅಧಿಕಾರಿಗಳನ್ನ ಭೇಟಿಯಾಗಬಹುದಾಗಿದೆ. ಹೃದಯ ಕಾಯಿಲೆ ಹಾಗೂ ಕ್ಯಾನ್ಸರ್ನಂತಹ ಸಮಸ್ಯೆ ಉಳ್ಳವರು ವೈದ್ಯಕೀಯ ಪ್ರಮಾಣ ಪತ್ರವನ್ನ ಈ ಅಪ್ಲಿಕೇಶನ್ನಲ್ಲಿ ಅಪ್ಲೋಡ್ ಮಾಡಬಹುದು ಎಂದು ದೆಹಲಿ ಕೋವಿಡ್ ಕಾರ್ಯಪಡೆಯ ಸದಸ್ಯೆ ಡಾ. ಸೋನಾಲಿ ಗಾರ್ಗ್ ಮಾಹಿತಿ ನೀಡಿದ್ದಾರೆ.
Loading ...