ಕೊರೊನಾ ವೈರಸ್ನ್ನು ನಿಯಂತ್ರಣ ಮಾಡಬೇಕು ಅಂತಾ ಈಗಾಗಲೇ ಲಸಿಕೆಯನ್ನ ದೇಶಾದ್ಯಂತ ನೀಡಲಾಗ್ತಿದೆ. ಈ ನಡುವೆ ದೆಹಲಿ ಏಮ್ಸ್ ವೈದ್ಯರು ಚಿಕಿತ್ಸೆಯ ಜೊತೆಗೆ ಗಾಯತ್ರಿ ಮಂತ್ರ ಪಠಣ ಹಾಗೂ ಪ್ರಾಣಾಯಾಮದಿಂದ ಕೊರೊನಾ ಸೋಂಕನ್ನ ಕಡಿಮೆ ಮಾಡೋಕೆ ಸಾಧ್ಯವಾ ಎಂಬ ವಿಚಾರದ ಬಗ್ಗೆ ಸಂಶೋಧನೆ ನಡೆಸುತ್ತಿದ್ದಾರೆ.
ಕೊರೊನಾ ವೈರಸ್ಗೆ ತುತ್ತಾಗಿರುವ ರೋಗಿಗಳಿಗೆ ಚಿಕಿತ್ಸೆಯನ್ನ ನೀಡೋದಕ್ಕಿಂತ ಮಂತ್ರ ಹಾಗೂ ಪ್ರಾಣಾಯಾಮವು ಕೊರೊನಾ ವಿರುದ್ಧ ಹೆಚ್ಚು ಪರಿಣಾಮಕಾರಿಯಾಗಬಲ್ಲದು ಎನ್ನುವುದು ಈ ಅಧ್ಯಯನದ ಹಿಂದಿನ ಆಲೋಚನೆಯಾಗಿದೆ. ಇದಕ್ಕಾಗಿ ಏಮ್ಸ್ 20 ಮಂದಿ ರೋಗಿಗಳ ಮೇಲೆ ಸಮೀಕ್ಷೆ ನಡೆಸುತ್ತಿದೆ.
ಈ 20 ಮಂದಿ ಕೊರೊನಾ ರೋಗಿಗಳನ್ನ 10 ಮಂದಿಯ 2 ಗುಂಪುಗಳನ್ನಾಗಿ ವಿಂಗಡಿಸಲಾಗಿದೆ. ಮೊದಲನೇ ಗುಂಪು ಕೊರೊನಾ ಚಿಕಿತ್ಸೆಯ ಜೊತೆಗೆ ಬೆಳಗ್ಗೆ ಹಾಗೂ ಸಂಜೆ ಗಾಯಂತ್ರಿ ಮಂತ್ರವನ್ನ ಪಠಿಸೋದು ಹಾಗೂ ಪ್ರಾಣಾಯಾಮವನ್ನ ಮಾಡುತ್ತಿದೆ.
ಎರಡನೇ ಗುಂಪಿನಲ್ಲಿರುವ ರೋಗಿಗಳಿಗೆ ಕೇವಲ ಕೊರೊನಾ ಚಿಕಿತ್ಸೆಯನ್ನ ನೀಡಲಾಗ್ತಿದೆ. ಈ ಎರಡೂ ಗುಂಪುಗಳ ಮೇಲೆ 14 ದಿನಗಳಿಂದ ನಿಗಾ ಇಡಲಾಗಿತ್ತು.
ಆದರೆ 14 ದಿನಗಳ ಬಳಿಕ ಸಂಶೋಧಕರು ಎರಡೂ ಗುಂಪಿನ ರೋಗಿಗಳನ್ನ ಪರಿಶೀಲನೆ ಮಾಡಿದ್ದಾರೆ. ಆದರೆ ಫಲಿತಾಂಶದ ಬಗ್ಗೆ ಇನ್ನಷ್ಟೇ ಮಾಹಿತಿ ಬಹಿರಂಗವಾಗಬೇಕಿದೆ.
Loading ...