RTI ಅರ್ಜಿಯಲ್ಲಿ ʼಆರೋಗ್ಯ ಸೇತುʼ ಆಪ್‌ ಕುರಿತ ಗೊಂದಲ ಬಹಿರಂಗ

ಕೊರೊನಾ ತಡೆಗಾಗಿ ಆರೋಗ್ಯ ಸೇತು ಆಪ್​ ಕಡ್ಡಾಯಗೊಳಿಸಿದ್ದ ಕೇಂದ್ರ ಸರ್ಕಾರಕ್ಕೆ ಈ ಆಪ್​ ಬಗ್ಗೆ ಮಾಹಿತಿ ಗೊತ್ತಿಲ್ಲದ ಕಾರಣ ಕೇಂದ್ರ ಮಾಹಿತಿ ಆಯೋಗ ನೋಟಿಸ್​ ನೀಡಿದೆ.

ಕೊರೊನಾ ವೈರಸ್​ ದೇಶಕ್ಕೆ ಕಾಲಿಟ್ಟ ಆರಂಭಿಕ ಹಂತದಲ್ಲಿ ಕೇಂದ್ರ ಸರ್ಕಾರ ಆರೋಗ್ಯ ಸೇತು ಆಪ್​ ಕಡ್ಡಾಯಗೊಳಿಸಿತ್ತು. ಈ ಅಪ್ಲಿಕೇಶನ್​ನ ಸಹಾಯದಿಂದ ಸೋಂಕಿತರನ್ನ ಪತ್ತೆ ಹಚ್ಚೋದು ಸುಲಭ ಅಂತಾ ಕೋಟ್ಯಾಂತರ ಜನರು ಈ ಅಪ್ಲಿಕೇಶನ್​ನ್ನು ಡೌನ್ಲೋಡ್​ ಮಾಡಿದ್ದರು. ಆದರೆ ಇದೀಗ ಈ ಅಪ್ಲಿಕೇಶನ್​ ಅಭಿವೃದ್ಧಿ ಮಾಡಿದ್ದರ ಬಗ್ಗೆ ಮಾಹಿತಿ ನೀಡಲು ಕೇಂದ್ರ ಸರ್ಕಾರ ತಡಬಡಾಯಿಸುತ್ತಿದೆ.

ನ್ಯಾಷನಲ್​ ಇನ್ಫಾರ್ಮೆಟಿಕ್ಸ್​ ಸೆಂಟರ್​ ಸಚಿವಾಲಯಕ್ಕೆ ಸಂಬಂಧಿಸಿದ ಎಲ್ಲ ಆಪ್​ಗಳನ್ನು ಅಭಿವೃದ್ಧಿ ಮಾಡುತ್ತೆ. ಹೀಗಾಗಿ ಆರೋಗ್ಯ ಸೇತು ಆಪ್​ ಕೂಡ ಎನ್ಐಸಿ ನಿರ್ಮಿತ ಅಂತಾನೇ ಭಾವಿಸಲಾಗಿತ್ತು. ಆದರೆ ಎನ್​ಐಸಿ ಈ ಅಪ್ಲಿಕೇಶನ್​ ಯಾರು ಅಭಿವೃದ್ಧಿ ಮಾಡಿದ್ದಾರೆ ಅನ್ನೋದರ ಬಗ್ಗೆ ಮಾಹಿತಿ ಇಲ್ಲ ಅಂತಾ ಹೇಳಿದೆ.

ಆರೋಗ್ಯ ಸೇತು ಆಪ್​ ಬಗ್ಗೆ ಮಾಹಿತಿ ಅಸ್ಪಷ್ಟವಾಗಿದೆ ಅಂತಾ ಆರ್​ಟಿಐ ಕಾರ್ಯಕರ್ತ ಸೌರವ್​ ದಾಸ್​ ಆಯೋಗಕ್ಕೆ ದೂರು ಸಲ್ಲಿಸಿದ್ದರು. ಈ ದೂರಿಗೆ ಹಾರಿಕೆ ಉತ್ತರ ನೀಡಿದ್ದ ಎನ್​ಐಸಿ ಆಪ್​ಗೆ ಸಂಬಂಧಿಸಿದ ಮಾಹಿತಿ ನಮ್ಮ ಬಳಿ ಇಲ್ಲ. ಇದು ಇ ಆಡಳಿತ ವಿಭಾಗಕ್ಕೆ ಸೇರಿದ್ದು ಅಂತಾ ಹೇಳೋ ಮೂಲಕ ಪರಿಸ್ಥಿತಿಯಿಂದ ನುಣುಚಿಕೊಳ್ಳಲು ಯತ್ನಿಸಿದೆ.

ಇದೀಗ ಕೇಂದ್ರ ಇಲಾಖೆಯ ಈ ಹಾರಿಕೆ ಉತ್ತರ ಕೇಳಿದ ಆಯೋಗ ಎನ್​ಐಸಿ ಹಾಗೂ ಇ ಆಡಳಿತ ವಿಭಾಗಕ್ಕೆ ನೋಟಿಸ್​ ಜಾರಿ ಮಾಡಿದೆ. ಅಲ್ಲದೇ ನ.24ರಂದು ಇಲಾಖೆ ಎದುರು ಹಾಜರಾಗುವಂತೆ ಸೂಚನೆ ನೀಡಿದೆ.