ಸಾವಿನ ಹಿಂದಿನ ರಾತ್ರಿ ರಿಯಾ ಭೇಟಿಯಾಗಿದ್ದ ಸುಶಾಂತ್…!

ಬಾಲಿವುಡ್ ನಟ ಸುಶಾಂತ್ ಸಿಂಗ್ ಸಾವಿನ ಪ್ರಕರಣದ ವಿಚಾರಣೆ ನಡೆಯುತ್ತಿದೆ. ದಿನಕ್ಕೊಂದು ಮಾಹಿತಿ ಹೊರಗೆ ಬರ್ತಿದೆ. ಈಗಾಗಲೇ ಸುಶಾಂತ್ ಸಿಂಗ್ ಪ್ರೇಯಸಿ ರಿಯಾ ಚಕ್ರವರ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಬಗ್ಗೆ ಈಗ ಮತ್ತೊಂದು ಸಂಗತಿ ಹೊರಬಿದ್ದಿದೆ.

ಜೂನ್ 13ರ ರಾತ್ರಿ ಸುಶಾಂತ್ ಸಿಂಗ್ ರನ್ನು ರಿಯಾ ಭೇಟಿಯಾಗಿದ್ದಳು ಎನ್ನಲಾಗಿದೆ. ಕರ್ಣಿ ಸೇನಾ ನಾಯಕ ಸುರ್ಜೀತ್ ಸಿಂಗ್ ರಾಥೋಡ್ ಈ ಹೇಳಿಕೆ ನೀಡಿದ್ದಾರೆ. ಅಂತಿಮ ದರ್ಶನಕ್ಕೆ ಬಂದಿದ್ದ ರಿಯಾ, ಸಾರಿ ಬಾಬೂ ಎಂದಿದ್ದಳು ಎಂಬ ಸುದ್ದಿಯಿತ್ತು. ಈಗ ರಾಥೋಡ್ ಹೇಳಿಕೆ ಮತ್ತಷ್ಟು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ಚಾನೆಲ್ ಒಂದರ ಜೊತೆ ಮಾತನಾಡಿದ ರಾಥೋಡ್, ಸಿಬಿಐ ನನ್ನನ್ನು ಕೇಳಿಲ್ಲ. ಈ ಮೊದಲೇ ನಾನು ಇದ್ರ ಬಗ್ಗೆ ಹೇಳಿದ್ದೆ. ಆದ್ರೆ ಯಾರೂ ಗಂಭೀರವಾಗಿ ತೆಗೆದುಕೊಂಡಿಲ್ಲವೆಂದು ರಾಥೋಡ್ ಹೇಳಿದ್ದಾರೆ. ಸುಶಾಂತ್ ರನ್ನು ರಿಯಾ ಜೂನ್ 13ರ ಮಧ್ಯರಾತ್ರಿ 2 ರಿಂದ 3 ಗಂಟೆ ಮಧ್ಯೆ ಭೇಟಿಯಾಗಿದ್ದರು ಎಂದು ರಾಥೋಡ್ ಹೇಳಿದ್ದಾರೆ.