ಕೊಡಗು: ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲ್ ಹಾಗೂ ವಿಪಕ್ಷ ನಾಯಕ ಸಿದ್ದರಾಮಯ್ಯ ನವರ ವಾಕ್ಸಮರ ಮುಂದುವರಿದಿದ್ದು, ನನ್ನ ಧಮ್ ಬಗ್ಗೆ ಮಾತನಾಡುವ ಸಿದ್ದರಾಮಯ್ಯಗೆ ಧಮ್ ಇದ್ದರೆ ಪಿ.ಚಿದಂಬರಂ ಅವರ ಮುಂದೆ ನಿಂತು ಮಾತನಾಡಲಿ ಎಂದು ಟಾಂಗ್ ನೀಡಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಕಟೀಲ್, ಸಿದ್ದರಾಮಯ್ಯ ಮೊದಲು ಸಂಸ್ಕೃತಿ-ಸಂಸ್ಕಾರಗಳನ್ನು ಅರಿತು ಮಾತನಾಡಬೇಕು. ಧಮ್ ಇದ್ದರೆ ಚಿದಂಬರಂ ಎದುರು ನಿಂತು ಮಾತನಾಡಲಿ ಎಂದರು.
ಕೊವಿಡ್ ಲಸಿಕೆ ಬಂದಾಗ ಆತ್ಮ ನಿರ್ಭರ ಭಾರತ ಯೋಜನೆಯಡಿ ಯಾವೆಲ್ಲ ರಾಜ್ಯಗಳಿಗೆ ಲಸಿಕೆ ಹೇಗೆ ತಲುಪಿಸಬೇಕು ಹಾಗೆ ತಲುಪಿಸುತ್ತೇವೆ. ಇದನ್ನು ಸಿದ್ದರಾಮಯ್ಯ ಅವರಿಂದ ಹೇಳಿಸಿಕೊಳ್ಳುವ ಅಗತ್ಯವಿಲ್ಲ ಎಂದು ತಿರುಗೇಟು ನೀಡಿದರು.
ಕೊರೊನಾದಿಂದ ಭಯಗೊಂಡಿರುವ ರಾಜ್ಯದ ಜನತೆಗೆ ನಿರ್ಮಲಾ ಸೀತಾರಾಮನ್ ಮನವೊಲಿಸಿ ಲಸಿಕೆಯನ್ನು ಉಚಿತವಾಗಿ ಕೊಡಿಸುವ ಧಮ್ ಕಟೀಲ್ ಅವರಿಗಿದೆಯೇ ಎಂದು ಸಿದ್ದರಾಮಯ್ಯ ಪ್ರಶ್ನಿಸಿದ್ದರು. ಈ ಹಿನ್ನೆಲೆಯಲ್ಲಿ ನಳೀನ್ ಕುಮಾರ್ ಕಟೀಲ್ ಪ್ರತಿಕ್ರಿಯೆ ನೀಡಿದ್ದಾರೆ.
Loading ...