ಗಾಳಿಯಲ್ಲಿ ಹರಡುತ್ತಾ ಕೊರೊನಾ ವೈರಸ್…? ಶುರುವಾಗಿದೆ ಅಧ್ಯಯನ

ಕೊರೊನಾ ವೈರಸ್ ಗಾಳಿಯಲ್ಲಿ ಹರಡುತ್ತದೆ ಎನ್ನಲಾಗ್ತಿದೆ. ಆದ್ರೆ ಇದ್ರ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಹೊರಗೆ ಬಿದ್ದಿಲ್ಲ. ಆರೋಗ್ಯ ಕಾರ್ಯಕರ್ತರ ಸುರಕ್ಷತೆಯನ್ನು ಬಲಪಡಿಸುವ ದೃಷ್ಟಿಯಿಂದ ಸಿಸಿಎಂಬಿ ಅಧ್ಯಯನ ಶುರು ಮಾಡಿದೆ. ಸೋಂಕಿತ ವ್ಯಕ್ತಿಯಿಂದ ಹೊರಗೆ ಬರುವ ಕೊರೊನಾ ಸೋಂಕು ಎಷ್ಟು ಹೊತ್ತು ಮತ್ತು ಎಷ್ಟು ದೂರ ಗಾಳಿಯಲ್ಲಿರಬಹುದು ಎಂಬುದರ ಬಗ್ಗೆ ಅಧ್ಯಯನ ನಡೆಯುತ್ತಿದೆ.

ಸಿಸಿಎಂಬಿ ನಿರ್ದೇಶಕ ರಾಕೇಶ್ ಮಿಶ್ರಾ ಪ್ರಕಾರ, ಹತ್ತು ದಿನಗಳ ಹಿಂದೆ ಅಧ್ಯಯನ ಪ್ರಾರಂಭವಾಗಿದೆಯಂತೆ. ವೈರಸ್ ನಿಜವಾಗಿ ಗಾಳಿಯಲ್ಲಿ ಚಲಿಸುತ್ತದೆಯೇ ಎಂಬುದನ್ನು ಪತ್ತೆ ಮಾಡುವುದು ಅಧ್ಯಯನದ ಉದ್ದೇಶವಂತೆ. ಹಾಗೆ ಗಾಳಿಯಲ್ಲಿ ಹರಡುವ ವೈರಸ್  ಆರೋಗ್ಯ ಕಾರ್ಯಕರ್ತರಿಗೆ ಎಷ್ಟು ಅಪಾಯ ಎಂಬುದನ್ನು ಪತ್ತೆ ಮಾಡಲಾಗ್ತಿದೆಯಂತೆ.

ಕೊರೊನಾ ವೈರಸ್ ಗಾಳಿಯಲ್ಲಿ ಹರಡುತ್ತದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಗೆ 200ಕ್ಕೂ ಹೆಚ್ಚು ವಿಜ್ಞಾನಿಗಳು ಪತ್ರ ಬರೆದಿದ್ದಾರೆ. ಪತ್ರ ಬಂದ 2 ತಿಂಗಳ ನಂತ್ರ ಅಧ್ಯಯನ ಶುರುವಾಗಿದೆ. ಮುಚ್ಚಿದ ಸಭಾಂಗಣಗಳಲ್ಲಿ ಹಾಗೂ ಮಾಲ್ ಗಳಲ್ಲಿ ವೈರಸ್ ಎಷ್ಟು ದೂರ ಹರಡಬಹುದು ಎಂಬುದು ಅಧ್ಯಯನದ ನಂತ್ರ ಬಹಿರಂಗವಾಗಬೇಕಿದೆ. ಗಾಳಿಯಲ್ಲಿ ಎಷ್ಟು ಸಮಯ ವೈರಸ್ ಬದುಕಬಲ್ಲದು ಹಾಗೆ ಎಷ್ಟು ಸಮಯ ಇರಬಲ್ಲದು ಎಂಬ ಬಗ್ಗೆ ಅಧ್ಯಯನ ನಡೆಯುತ್ತಿದೆ ಎಂದು ಮಿಶ್ರಾ ಹೇಳಿದ್ದಾರೆ.