ಕೊರೊನಾ ರೋಗಿಯ ನೋವಿನ ಚಿತ್ರಣ ನೋಡಿದ್ರೆ ಕರಳು ಹಿಂಡುತ್ತೆ

ಕೊರೊನಾ ವಿಶ್ವದ ಚಿತ್ರಣವನ್ನೇ ಬದಲಿಸಿದೆ. ಇದಕ್ಕೆ ಇನ್ನೂ ಲಸಿಕೆ ಬಂದಿಲ್ಲ. ಕೊರೊನಾ ಪಾಸಿಟಿವ್ ಬಂದವರು ಜೀವ ಭಯದಲ್ಲಿಯೇ ಕೊರೊನಾ ವಿರುದ್ಧ ಹೋರಾಟ ನಡೆಸುತ್ತಿದ್ದಾರೆ. ದಿನಕ್ಕೆ ನೂರಾರು ಮಂದಿ ಬಲಿಯಾಗ್ತಿದ್ದು, ಕೊರೊನಾ ವಾರಿಯರ್ಸ್ ಗೆ ಕೂಡ ಇದು ಕಷ್ಟ ತಂದಿದೆ. ಈ ಮಧ್ಯೆ ಕೊರೊನಾ ಸಂಬಂಧಿತ ಕೆಲ ಫೋಟೋಗಳು ಕರುಳು ಹಿಂಡುತ್ತಿವೆ. ಮತ್ತಷ್ಟು ಆತಂಕ, ಭಯ ಮೂಡಿಸುತ್ತಿದೆ.

ಕೊರೊನಾ ಮನುಷ್ಯರ ಮಧ್ಯೆ ಮಾನವೀಯತೆಯನ್ನೂ ಮರೆಸುತ್ತಿದೆ. ಬಿಹಾರದ ಭಾಗಲ್ಪುರದಲ್ಲಿ ಕೊರೊನಾ ರೋಗಿಯೊಬ್ಬ ಸತ್ತು ಬಿದ್ದಿದ್ದರೆ ಆತನನ್ನು ನೋಡುವವರಿರಲಿಲ್ಲ. ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದ ವ್ಯಕ್ತಿ ಔಷಧಿ ಅಂಗಡಿಗೆ ಔಷಧಿ ತರಲು ಹೋಗಿದ್ದಾನೆ. ಅಲ್ಲಿಯೇ ಕುಸಿದು ಬಿದ್ದಿದ್ದಾನೆ.

ಗಂಟೆಗಳ ಕಾಲ ಶವ ಹಾಗೆ ಇದ್ರೂ ಯಾರೊಬ್ಬರೂ ಅದ್ರ ಬಳಿ ಹೋಗಲಿಲ್ಲ. ನಂತ್ರ ಸ್ಥಳಕ್ಕೆ ಬಂದ ಪೊಲೀಸರು ಶವವನ್ನು ವಶಕ್ಕೆ ಪಡೆದು ಆ ಪ್ರದೇಶವನ್ನು ಸ್ಯಾನಿಟೈಜರ್ ಮಾಡಿದ್ದಾರೆ. ಇದ್ರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.