ಇಲ್ಲಿದೆ ಬಹುನಿರೀಕ್ಷಿತ ಗೊಗೊರೊ ಸೂಪರ್‌ಸ್ಪೋರ್ಟ್ ಎಲೆಕ್ಟ್ರಿಕ್ ಸ್ಕೂಟರ್ ವಿಶೇಷತೆ

ತೈವಾನ್‌ನ ಎಲೆಕ್ಟ್ರಿಕ್ ಸ್ಕೂಟರ್ ತಯಾರಕ ಕಂಪನಿಯಾದ ಗೊಗೊರೊ ತನ್ನ ಗೊಗೊರೊ ಸೂಪರ್‌ಸ್ಪೋರ್ಟ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಭಾರತದಲ್ಲಿ ಪ್ರಾರಂಭಿಸಿದೆ.

100ರಿಂದ 120CC ಸಾಮರ್ಥ್ಯವನ್ನು ಈ ಸ್ಕೂಟರ್​ ಹೊಂದಿದೆ. ಲಿಕ್ವಿಡ್ ಕೂಲ್ಡ್ ಬ್ಯಾಟರಿ ಪ್ಯಾಕ್ ನೀಡುವ ಸ್ಕೂಟರ್​ ಬ್ಯಾಟರಿ ಸ್ವಾಪಿಂಗ್ ತಂತ್ರಜ್ಞಾನವನ್ನು ಹೊಂದಿದೆ. ಗೊಗೊರೊ ಸೂಪರ್‌ಸ್ಪೋರ್ಟ್ ಪ್ರತಿ 1.3 kWh ಸಾಮರ್ಥ್ಯದ ಎರಡು ಬ್ಯಾಟರಿ ಪ್ಯಾಕ್‌ಗಳನ್ನು ನೀಡುತ್ತದೆ. 2.6 kWh ಶಕ್ತಿಯ ಎರಡು ಬ್ಯಾಟರಿಗಳೊಂದಿಗೆ, ಗೊಗೊರೊ ಸೂಪರ್‌ಸ್ಪೋರ್ಟ್ ಸುಮಾರು 170 ಕಿಮೀ ದೂರದ ವ್ಯಾಪ್ತಿಯನ್ನು ಒದಗಿಸುವ ನಿರೀಕ್ಷೆಯಿದೆ.

6 ಸೆಕೆಂಡುಗಳಲ್ಲಿ ಚಾರ್ಜಿಂಗ್ ಸ್ಟೇಷನ್‌ಗಳಲ್ಲಿ ಖಾಲಿ ಬ್ಯಾಟರಿ ಪ್ಯಾಕ್‌ಗಳನ್ನು ಬದಲಾಯಿಸಿಕೊಳ್ಳಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಅನ್‌ಲಾಕ್ ಮಾಡಲು ಗೊಗೊರೊ ಕೀಲೆಸ್ ಎಂಟ್ರಿ, NFC ಸ್ಮಾರ್ಟ್‌ಕಾರ್ಡ್ ಅನ್ನು ಬಳಸಬಹುದು. ಹ್ಯಾಂಡಲ್ ಬಾರ್ ಸ್ವಯಂಚಾಲಿತವಾಗಿ ಲಾಕ್ ಆಗುತ್ತದೆ.

ಈ ಸ್ಕೂಟರ್‌ ಮುಂಭಾಗ ಮತ್ತು ಹಿಂದಿನ ಚಕ್ರಗಳಿಗೆ ಡಿಸ್ಕ್ ಬ್ರೇಕ್‌ಗಳನ್ನು ನೀಡಲಾಗಿದೆ.