ಮಹಾರಾಷ್ಟ್ರದ ಬುಲ್ಧಾನಾ ಜಿಲ್ಲೆಯಲ್ಲಿ ಮಂಗಳವಾರ ನಡೆದ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪ್ರಸಾದ ಸೇವಿಸಿದ 600 ಮಂದಿ ಗ್ರಾಮಸ್ಥರು ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದು ವರದಿಗಳು ತಿಳಿಸಿದೆ.
ಹಾಸಿಗೆಗಳ ಕೊರತೆಯಿಂದಾಗಿ, ಅನೇಕ ರೋಗಿಗಳು ಆಸ್ಪತ್ರೆಯ ಆವರಣದ ಹೊರಗೆ ಚಿಕಿತ್ಸೆ ಪಡೆಯಬೇಕಾಯಿತು. ಭೀಕರ ಪರಿಸ್ಥಿತಿಯನ್ನು ಚಿತ್ರಿಸುವ ಆಘಾತಕಾರಿ ದೃಶ್ಯಗಳು ವೈರಲ್ ಆಗಿದೆ. ನೂರಾರು ರೋಗಿಗಳು ನೆಲದ ಮೇಲೆ ಮಲಗಿದ್ದರೆ, ಚಿಕಿತ್ಸೆಗಾಗಿ ಹಗ್ಗಗಳನ್ನು ಬಳಸಿ ಮರಗಳಿಂದ ಲವಣಯುಕ್ತ ಬಾಟಲಿಗಳನ್ನು ತೂಗುಹಾಕಲಾಯಿತು.
ಲೋನಾರ್ ತಾಲ್ಲೂಕಿನ ಸೋಮ್ಥಾನಾ ಗ್ರಾಮದಲ್ಲಿ ಒಂದು ವಾರದ ಧಾರ್ಮಿಕ ಕಾರ್ಯಕ್ರಮವಾದ ‘ಹರಿಣಂ ಸಪ್ತಾಹ’ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಪ್ರಸಾದ ಸೇವಿಸಿದ ತಕ್ಷಣ ಗ್ರಾಮಸ್ಥರಿಗೆ ವಾಂತಿ ಕಾಣಿಸಿಕೊಂಡಿದ್ದು, ತಕ್ಷಣದ ವೈದ್ಯಕೀಯ ಚಿಕಿತ್ಸೆ ನೀಡಲಾಗಿದೆ ಎಂದು ಬುಲ್ಧಾನಾ ಜಿಲ್ಲಾಧಿಕಾರಿ ಕಿರಣ್ ಪಾಟೀಲ್ ತಿಳಿಸಿದ್ದಾರೆ.
Loading ...