ಎಲ್ಲಾ ಮೊಬೈಲ್ಗಳಲ್ಲಿ 15 ಸಂಖ್ಯೆಗಳ IMEI ನಂಬರ್ ಇರುತ್ತದೆ. ಇದು ನಿಮ್ಮ ಮೊಬೈಲ್ ನ್ನು ಗುರುತಿಸುವ ಒಂದು ಸಂಖ್ಯೆಯಾಗಿದೆ. IMEI ಎಂದರೆ ಅಂತಾರಾಷ್ಟ್ರೀಯ ಮೊಬೈಲ್ ಸಾಧನ ಗುರುತು ಎಂದಾಗಿದೆ.
ನಿಮ್ಮ ಮೊಬೈಲ್ಗೆ ಸಂಬಂಧಿಸಿದ ಅನೇಕ ಮಾಹಿತಿಯು ಇದರಲ್ಲಿ ಅಡಗಿರುವುದರಿಂದ IMEI ಸಂಖ್ಯೆ ನಿಜಕ್ಕೂ ವಿಶೇಷವಾಗಿದೆ. ಮೊದಲ 14 ಅಂಕೆಗಳನ್ನು GSM ಅಸೋಸಿಯೇಷನ್ ಸಂಸ್ಥೆಯು ವ್ಯಾಖ್ಯಾನಿಸುತ್ತದೆ. ಆದರೆ ಕೊನೆಯ ಅಂಕೆಯು ಲುಹ್ನ್ ಸೂತ್ರದಿಂದ ನಿರ್ಮಿಸಲಾದ ಅಲ್ಗಾರಿದಮ್ ಆಗಿದೆ. IMEI ಸಂಖ್ಯೆ ಇಲ್ಲದ ಮೊಬೈಲ್ ಫೋನ್ ಬಳಸುವುದು ಕಾನೂನಿಗೆ ವಿರುದ್ಧವಾಗಿದೆ.
ಮಾಧ್ಯಮಗಳ ವರದಿಯ ಪ್ರಕಾರ ನಮ್ಮ ದೇಶದಲ್ಲಿ 25 ಮಿಲಿಯನ್ಗೂ ಅಧಿಕ ಮಂದಿ ದೀರ್ಘ ಸಮಯದಿಂದ IMEI ಇಲ್ಲದ ಮೊಬೈಲ್ ಫೋನ್ನ್ನು ಬಳಕೆ ಮಾಡುತ್ತಿದ್ದರು. ಇಂತಹ ಫೋನ್ಗಳನ್ನು 2009ರ ನವೆಂಬರ್ 30ರಂದು ನಿಷ್ಕ್ರಿಯಗೊಳಿಸಲಾಯ್ತು. ಹಾಗಾದರೆ ಏನಿದು IMEI ಸಂಖ್ಯೆ..? ಯಾಕೆ ಈ ಸಂಖ್ಯೆಗೆ ಇಷ್ಟೊಂದು ಮಹತ್ವವಿದೆ..? ಈ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ :
IMEI ಸಂಖ್ಯೆಯಿಂದ ನಿಮಗಿರುವ ಲಾಭಗಳು :
ಒಂದು ವೇಳೆ ನಿಮ್ಮ ಮೊಬೈಲ್ ಕಳುವಾದರೆ ನೀವು IMEI ಸಂಖ್ಯೆಯನ್ನು ಬಳಕೆ ಮಾಡಿ ನಿಮ್ಮ ಮೊಬೈಲ್ ಫೋನ್ನ್ನು ಪಡೆಯಬಹುದಾಗಿದೆ. ಇದೊಂದು ವಿಶಿಷ್ಟವಾದ ಸಂಖ್ಯೆಯಾಗಿದ್ದು ಪ್ರತಿಯೊಂದು ಮೊಬೈಲ್ ಫೋನ್ನಲ್ಲಿರುವ IMEI ಸಂಖ್ಯೆಯು ವಿಭಿನ್ನವಾಗಿಯೇ ಇರುತ್ತದೆ. ಅಪರಾಧಗಳು ನಡೆದ ಸಂದರ್ಭಗಳಲ್ಲಿ IMEI ಸಂಖ್ಯೆಯು ಪ್ರಮುಖ ಸಾಕ್ಷ್ಯವಾಗಿ ಬಳಕೆಯಾಗುತ್ತದೆ.
IMEI ಸಂಖ್ಯೆಯನ್ನು ಪಡೆಯುವುದು ಹೇಗೆ..?
ನಿಮ್ಮ ಮೊಬೈಲ್ನ IMEI ಸಂಖ್ಯೆಯನ್ನು ಪಡೆದುಕೊಳ್ಳಲು ನೀವು *#06# ಸಂಖ್ಯೆಗೆ ಡಯಲ್ ಮಾಡಬೇಕು. ಈ ನಂಬರ್ಗೆ ಕರೆ ಮಾಡಿದ ತಕ್ಷಣ ನಿಮ್ಮ ಮೊಬೈಲ್ ಪರದೆಯಲ್ಲಿ IMEI ಸಂಖ್ಯೆ ಕಾಣಿಸುತ್ತದೆ. ಆಂಡ್ರಾಯ್ಡ್ ಫೋನ್ಗಳಲ್ಲಿ IMEI ಸಂಖ್ಯೆಯನ್ನು ಪಡೆಯಲು ಮೊದಲು ಸೆಟ್ಟಿಂಗ್ಸ್ಗೆ ಹೋಗಿ. ಇಲ್ಲಿ ಅಬೌಟ್ ಎಂಬ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ನಿಮಗೆ IMEI ಬಗ್ಗೆ ಮಾಹಿತಿ ಸಿಗಲಿದೆ. IMEI ನ ಮೊದಲ 8 ಸಂಖ್ಯೆಯು ಇದು ಎಲ್ಲಿ ತಯಾರಿಸಲಾದ ಮೊಬೈಲ್ ಎಂಬ ಮಾಹಿತಿಯನ್ನು ನೀಡುತ್ತದೆ. ಮುಂದಿನ 6 ಸಂಖ್ಯೆಯು ನಿಮ್ಮ ಮೊಬೈಲ್ ಬಗ್ಗೆ ಮಾಹಿತಿ ನೀಡುತ್ತದೆ. ಈ ಸಂಖ್ಯೆಯು ನಿಮ್ಮ ಮೊಬೈಲ್ನ ಸಾಫ್ಟ್ವೇರ್ ವರ್ಶನ್ ಆಗಿದೆ.
Loading ...