ಪದವಿ ಮುಗಿಯುವ ಮೊದಲೇ ಐಐಟಿ ವಿದ್ಯಾರ್ಥಿಗೆ ಬಂಪರ್ ಆಫರ್: ಇತಿಹಾಸದಲ್ಲೇ ಅತಿ ಹೆಚ್ಚು ಪ್ಯಾಕೇಜ್ ಉದ್ಯೋಗ

ಲಕ್ನೋ: ಲಖ್ನೋ ಐಐಟಿ ವಿದ್ಯಾರ್ಥಿಗೆ ವಾರ್ಷಿಕ 1.2 ಕೋಟಿ ರೂಪಾಯಿ ವೇತನದ ಪ್ಯಾಕೇಜ್ ನೀಡಲಾಗಿದೆ. ಲಕ್ನೋ ಐಐಟಿ ಇತಿಹಾಸದಲ್ಲಿಯೇ ಅತಿ ಹೆಚ್ಚು ಪ್ಯಾಕೇಜ್ ಪಡೆದ ಖ್ಯಾತಿಗೆ ಅಭಿಜಿತ್ ದ್ವಿವೇದಿ ಪಾತ್ರರಾಗಿದ್ದಾರೆ.

ಅಭಿಜಿತ್ ದ್ವಿವೇದಿಗೆ ಐರ್ಲೆಂಡ್ ನ ಡಬ್ಲಿಂಗ್ ನಲ್ಲಿರುವ ಅಮೆಜಾನ್ ಸಂಸ್ಥೆಯಲ್ಲಿ ಸಾಫ್ಟ್ವೇರ್ ಡೆವಲಪ್ಮೆಂಟ್ ಇಂಜಿನಿಯರ್ ಹುದ್ದೆ ದೊರೆತಿದೆ. ಪ್ರಸ್ತುತ ಅಭಿಜಿತ್ ಲಖ್ನೋ ಐಐಟಿಯಲ್ಲಿ ಬಿಟೆಕ್ ಅಂತಿಮ ವರ್ಷದಲ್ಲಿ ಓದುತ್ತಿದ್ದಾರೆ.

ಪದವಿ ಪೂರ್ಣಗೊಳಿಸುವ ಮೊದಲೇ ಅವರಿಗೆ ಕೋಟ್ಯಂತರ ರೂಪಾಯಿ ವೇತನ ಉದ್ಯೋಗ ಸಿಕ್ಕಿದ್ದು, ಪ್ರಾಯೋಗಿಕ ಜ್ಞಾನ, ಸಂವಹನ ಕಲೆ, ಬಾಡಿ ಲಾಂಗ್ವೇಜ್ ಸೇರಿ ಹಲವು ಕೌಶಲಗಳು ನನಗೆ ಕೆಲಸ ಪಡೆಯಲು ಸಹಕಾರಿಯಾಗಿವೆ ಎಂದು ಹೇಳಿದ್ದಾರೆ.

ಐಐಟಿ ಲಕ್ನೋ ವಿದ್ಯಾರ್ಥಿ ಅಭಿಜಿತ್ ಅಮೆಜಾನ್‌ ನಲ್ಲಿ ಕೆಲಸ ಮಾಡಲು 1.2 ಕೋಟಿ ರೂ ಪ್ಯಾಕೇಜ್‌ ಪಡೆದುಕೊಂಡಿದ್ದಾರೆ. ಇದರೊಂದಿಗೆ ಪ್ರಯಾಗ್‌ ರಾಜ್ ನ ಹುಡುಗ ಐಐಐಟಿ ಲಕ್ನೋದಲ್ಲಿ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿದ್ದಾರೆ.