BIG NEWS: ಜುಲೈ 3ರಂದು ಕಾಂಗ್ರೆಸ್ ಸೇರ್ಪಡೆ; ನಾನು ಗಂಗಾವತಿ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿ; ಬಹಿರಂಗವಾಗಿ ಹೇಳಿಕೆ ನೀಡಿದ ಮಾಜಿ MLC

ಕೊಪ್ಪಳ: ಇತ್ತೀಚೆಗೆ ಜೆಡಿಎಸ್ ತೊರೆದಿದ್ದ ಮಾಜಿ ಎಂ ಎಲ್ ಸಿ ಹೆಚ್.ಆರ್.ಶ್ರೀನಾಥ್, ಜುಲೈ 3ರಂದು ಅಧಿಕೃತವಾಗಿ ಕಾಂಗ್ರೆಸ್ ಗೆ ಸೇರ್ಪಡೆಯಾಗುವುದಾಗಿ ತಿಳಿಸಿದ್ದಾರೆ.

ಗಂಗಾವತಿಯಲ್ಲಿ ಮಾತನಾಡಿದ ಶ್ರೀನಾಥ್, ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ನಾನು ಗಂಗಾವತಿ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿ. ಕಾಂಗ್ರೆಸ್ ಸೇರ್ಪಡೆ ವಿಚಾರವಾಗಿ ಗಂಗಾವತಿ ಮಾಜಿ ಶಾಸಕ ಇಕ್ಬಾಲ್ ಅನ್ಸಾರಿ ಜತೆ ಚರ್ಚೆ ನಡೆಸಿಲ್ಲ. ನಮ್ಮ ಹಿರಿಯ ನಾಯಕರು ನಮ್ಮಿಬ್ಬರ ಜತೆ ಮಾತುಕತೆ ನಡೆಸುತ್ತಾರೆ ಎಂದರು.

ಮುಸ್ಲಿಂರಿಗೆ ಟಿಕೆಟ್ ಕೊಡಬಾರದು ಎಂದಲ್ಲ, ಆದರೆ ಕೆಲವು ಬಾರಿ ವ್ಯಕ್ತಿ ಮೇಲೆ ಚುನಾವಣೆ. ಅಯೋಧ್ಯೆ ಬಳಿಕ ಬಿಜೆಪಿಯವರು ಅಂಜನಾದ್ರಿ ಟಾರ್ಗೆಟ್ ಮಾಡಿದರು. ನಾವು ಅದನ್ನು ಎದುರಿಸುತ್ತೇವೆ. ನಾವು ಹಿಂದೂಗಳು. ದೇಶದಲ್ಲಿ ಹಿಂದೂ-ಮುಸ್ಲಿಂ ಬೇರೆ ಮಾಡುವ ಕುತಂತ್ರ ನಡೆಯುತ್ತಿದೆ. ಗಂಗಾವತಿಯಲ್ಲೂ ಗಲಭೆಯಾಗುತ್ತೆ ಅದಕ್ಕೆ ನಾವು ಈಬಾರಿ ಅವಕಾಶ ಕೊಡುವುದಿಲ್ಲ ಎಂದರು.