ಹುಂಡೈ ಇಂಡಿಯಾ ಎಕ್ಸ್ಟರ್ ಎಸ್‌ಯುವಿಯನ್ನು ಇಂದು ಬಿಡುಗಡೆ ಮಾಡಲಿದೆ. ಜುಲೈ 10 ರಂದು ಮಧ್ಯಾಹ್ನ 12 ಗಂಟೆಗೆ ನೂತನ ಮಾಡೆಲ್ ಅನ್ನು ಬಿಡುಗಡೆ ಮಾಡಲಾಗುತ್ತಿದ್ದು, ಕಾರ್ಯಕ್ರಮವನ್ನು ಕಂಪನಿಯ ಅಧಿಕೃತ ಯೂಟ್ಯೂಬ್ ಚಾನಲ್ ಮೂಲಕ ನೇರ ಪ್ರಸಾರ ಮಾಡಲಾಗುತ್ತದೆ.
ಹೊಸ ಮಾಡೆಲ್ ಕಾರು ಬಿಡುಗಡೆಗೆ ಮುಂಚಿತವಾಗಿ, ಹ್ಯುಂಡೈ ಇಂಡಿಯಾ ಹ್ಯುಂಡೈ ಎಕ್ಸ್‌ಟರ್‌ನಲ್ಲಿ ಲಭ್ಯವಿರುವ ಹೆಚ್ಚಿನ ವೈಶಿಷ್ಟ್ಯಗಳಿರಲಿವೆ. Exter SUV ಕಾಸ್ಮಿಕ್ ಬ್ಲೂ ಮತ್ತು ರೇಂಜರ್ ಖಾಕಿ ಸೇರಿದಂತೆ ಆರು ಸಿಂಗಲ್ ಟೋನ್ ಮತ್ತು ಮೂರು ಡ್ಯುಯಲ್ ಟೋನ್ ಬಣ್ಣ ಆಯ್ಕೆಗಳಲ್ಲಿ ಬರಲಿದೆ.
ಪ್ರಸ್ತುತ ಹುಂಡೈ Exter SUVಯ ಬುಕ್ಕಿಂಗ್‌ಗಳು ತೆರೆದಿವೆ. ಆಸಕ್ತರು ರೂ. 11,000 ಟೋಕನ್ ಮೊತ್ತವನ್ನು ಪಾವತಿಸುವ ಮೂಲಕ ಮುಂಬರುವ ಎಸ್‌ಯುವಿಯನ್ನು ಮುಂಚಿತವಾಗಿ ಬುಕ್ ಮಾಡಬಹುದು. ಇದನ್ನು ದೇಶದಾದ್ಯಂತ ಹ್ಯುಂಡೈ ಡೀಲರ್‌ಶಿಪ್‌ಗಳ ಮೂಲಕ ಆಫ್‌ಲೈನ್‌ನಲ್ಲಿ ಬುಕ್ ಮಾಡಬಹುದು. ಕಾರು ತಯಾರಕ ಕಂಪನಿಯ ಕ್ಲಿಕ್ ಟು ಬೈ ಪ್ಲಾಟ್‌ಫಾರ್ಮ್ ಮೂಲಕ ಆನ್‌ಲೈನ್‌ನಲ್ಲಿ ಸಹ ಮಾಡಬಹುದು.
ಹುಂಡೈ Exter SUVಯನ್ನು 5 ಟ್ರಿಮ್ ಆಯ್ಕೆಗಳಲ್ಲಿ ನೀಡಲಾಗುವುದು. ಕಾರಿನ ಒಳಾಂಗಣ ವಿನ್ಯಾಸವನ್ನು ಈಗಾಗಲೇ ಬಹಿರಂಗಪಡಿಸಲಾಗಿದೆ. ಹುಂಡೈ ಎಕ್ಸ್ಟರ್ 8 ಇಂಚಿನ ಹೆಚ್‍ಡಿ ಟಚ್‌ಸ್ಕ್ರೀನ್ ಮತ್ತು 4.2 ಇಂಚಿನ ಬಣ್ಣದ ಟಿಎಫ್‍ಟಿ ಎಂಐಡಿ ಜೊತೆಗೆ ಹ್ಯುಂಡೈ ಬ್ಲೂಲಿಂಕ್ ಜೊತೆಗೆ ಸುಧಾರಿತ ಡಿಜಿಟಲ್ ಕ್ಲಸ್ಟರ್‌ನೊಂದಿಗೆ ಸಜ್ಜುಗೊಂಡಿರುತ್ತದೆ.
ಇನ್ಫೋಟೈನ್‌ಮೆಂಟ್ ಯೂನಿಟ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ ಇನ್ ಬಿಲ್ಟ್ ನ್ಯಾವಿಗೇಶನ್ ಮತ್ತು ಸ್ಮಾರ್ಟ್‌ಫೋನ್ ಸಂಪರ್ಕವನ್ನು ಹೊಂದಿರುತ್ತದೆ. ಡಿಜಿಟಲ್ ಕ್ಲಸ್ಟರ್ ಡ್ರೈವ್ ಅಂಕಿಅಂಶಗಳು, ಟಿಪಿಎಂಎಸ್ (ಹೈಲೈನ್), ಪಾರ್ಕಿಂಗ್ ಡಿಸ್ಟೆನ್ಸ್, ಡೋರ್ ಓಪನ್, ಸನ್‌ರೂಫ್ ಓಪನ್, 10 ಪ್ರಾದೇಶಿಕ ಮತ್ತು 2 ಜಾಗತಿಕ ಭಾಷೆಗಳಲ್ಲಿ ಎಲ್ಲಾ ಸೀಟ್‌ಗಳಿಗೆ ಸೀಟ್‌ಬೆಲ್ಟ್ ಜ್ಞಾಪನೆ ಪ್ರದರ್ಶನಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ನೀಡಲಾಗುತ್ತದೆ.
ಹುಂಡೈ Exter SUV ಸುರಕ್ಷತಾ ವೈಶಿಷ್ಟ್ಯಗಳು:
ಎಕ್ಸ್ಟರ್ ಎಸ್‌ಯುವಿಯು ಇಎಸ್‌ಸಿ (ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್), ವಿಎಸ್‌ಎಂ (ವಾಹನ ಸ್ಥಿರತೆ ನಿರ್ವಹಣೆ) ಮತ್ತು ಎಚ್‌ಎಸಿ (ಹಿಲ್ ಅಸಿಸ್ಟ್ ಕಂಟ್ರೋಲ್) ನಂತಹ ಮೊದಲ-ಇನ್ ಸೆಗ್ಮೆಂಟ್ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡಿದೆ ಎಂದು ಹ್ಯುಂಡೈ ಹೇಳಿಕೊಂಡಿದೆ. ಹ್ಯುಂಡೈ ಎಕ್ಸ್ಟರ್ 3-ಪಾಯಿಂಟ್ ಸೀಟ್ ಬೆಲ್ಟ್ ಮತ್ತು ಸೀಟ್‌ಬೆಲ್ಟ್ ರಿಮೈಂಡರ್ (ಎಲ್ಲಾ ಆಸನಗಳು), ಕೀಲೆಸ್ ಎಂಟ್ರಿ, ಇಬಿಡಿಯೊಂದಿಗೆ ಎಬಿಎಸ್, ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳು, ಇಎಸ್‌ಎಸ್, ಎಚ್ಚರಿಕೆ ಅಲಾರ್ಮ್‌ಗಳನ್ನು ಸಹ ಹೊಂದಿದೆ.
ಎಸ್‌ಯುವಿ ಹೆಡ್‌ಲ್ಯಾಂಪ್ ಎಸ್ಕಾರ್ಟ್ ಫಂಕ್ಷನ್, ಆಟೋ ಹೆಡ್‌ಲ್ಯಾಂಪ್‌ಗಳು ಸೇರಿದಂತೆ 40 ಸುಧಾರಿತ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿದೆ. ಹ್ಯುಂಡೈ ಎಕ್ಸ್ಟರ್ ಡ್ಯುಯಲ್ ಕ್ಯಾಮರಾದೊಂದಿಗೆ ಡ್ಯಾಶ್‌ಕ್ಯಾಮ್, ಟಿಪಿಎಂಎಸ್ (ಹೈಲೈನ್) ಮತ್ತು ಬರ್ಗ್ಲರ್ ಅಲಾರ್ಮ್‌ನಂತಹ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿದೆ.
Loading ...