ಗುವಾಹಟಿಯ ದಿಘಾಲಿಪುಖುರಿ ವಾಟರ್ ಟ್ಯಾಂಕ್ನಲ್ಲಿ ನೂರಾರು ಮೀನುಗಳ ಮಾರಣಹೋಮ ನಡೆದಿದೆ. ಮೀನುಗಳು ಏಕೆ ಸಾವಿಗೀಡಾಗಿದೆ ಎಂಬ ತನಿಖೆ ನಡೆಸಲು ಮೀನಿನ ಮಾದರಿಗಳನ್ನ ಪರಿಶೀಲನೆ ನಡೆಸಲಾಗಿದ್ದು ಇದರ ಪ್ರಕಾರ ಆಮ್ಲಜನಕದ ಸವಕಳಿ ಹಾಗೂ ಟ್ಯಾಂಕ್ನಲ್ಲಿ ಅತಿಯಾದ ಆರ್ಗಾನಿಕ್ ಲೋಡ್ ಇದ್ದುದೇ ಈ ಮರಣಮೃದಂಗಕ್ಕೆ ಕಾರಣ ಎಂದು ತಿಳಿದುಬಂದಿದೆ.
ಬೇರೆ ಬೇರೆ ಜಾತಿಗೆ ಸೇರಿದ ಒಟ್ಟು ಸರಿ ಸುಮಾರು 600 ಕೆಜಿ ತೂಕದ 400ಕ್ಕೂ ಅಧಿಕ ಮೀನುಗಳು ನೀರಿನ ತೊಟ್ಟಿಯಲ್ಲಿ ಸಾವನ್ನಪ್ಪಿವೆ. ಆಸ್ಸಾಂ ಮೀನುಗಾರಿಕಾ ಸಚಿವ ಪರಿಮಳ್ ಶುಕ್ಲವೈದ್ಯ ಈ ಬಗ್ಗೆ ಸೂಕ್ತ ತನಿಖೆ ನಡೆಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.
ನೀರಿನಲ್ಲಿ ಆಮ್ಲಜನಕ ಪ್ರಮಾಣದ ಕುಸಿತ ಹಾಗೂ ಟ್ಯಾಂಕ್ನಲ್ಲಿ ಅತಿಯಾದ ಸಾವಯವ ಪದಾರ್ಥ ಸೇರಿದ್ದರಿಂದ ಈ ಘಟನೆ ಸಂಭವಿಸಿದೆ. ಮೀನುಗಳ ಮಾದರಿಯನ್ನ ತೆಗೆದುಕೊಂಡು ನಡೆಸಲಾದ ಪರಿಶೀಲನೆಯಲ್ಲಿ ಮೀನುಗಳ ಸಾವು ಯಾವುದೇ ವಿಷ ಪದಾರ್ಥದ ಸೇವನೆಯಿಂದಲ್ಲ ಬದಲಾಗಿ ಪರಿಸರ ನಾಶದಿಂದಾಗಿ ಎಂದು ತಿಳಿದುಬಂದಿದೆ ಅಂತಾ ಶುಕ್ಲವೈದ್ಯ ಹೇಳಿದ್ದಾರೆ.
ನೀರಿನಲ್ಲಿ ಆಮ್ಲಜನಕ ಮಟ್ಟವನ್ನ ಕೃತಕವಾಗಿ ಏರಿಕೆ ಮಾಡುವ ಸಲುವಾಗಿ ಅಧಿಕಾರಿಗಳು ಪಂಪ್ ಮೂಲಕ ನೀರನ್ನ ಹಾಕೋದು ಹಾಗೂ ಯಾಂತ್ರಿಕೃತ ದೋಣಿಗಳಿಂದ ನೀರಿನಲ್ಲಿ ತರಂಗ ಸೃಷ್ಟಿಸುವ ಕಾರ್ಯ ಮಾಡಿದ್ದಾರೆ.
Loading ...