ಈ ರಾಶಿಯವರಿಗಿದೆ ಇಂದು ಆಸ್ತಿ ಖರೀದಿ ಯೋಗ

ಮೇಷ : ನಿಮ್ಮ ಆರೋಗ್ಯದಲ್ಲಿ ಇಂದು ಚೇತರಿಕೆ ಕಂಡು ಬರಲಿದೆ. ಈ ವರ್ಷದ ಆರಂಭದಿಂದ ವ್ಯವಹಾರದಲ್ಲಿ ನಷ್ಟವನ್ನೇ ಕಂಡ ನಿಮಗೆ ಇಂದಿನಿಂದ ಶುಭ ಯೋಗ ಕಾದಿದೆ. ಲಕ್ಷ್ಮೀ ನರಸಿಂಹನನ್ನು ಆರಾಧನೆ ಮಾಡಿ. ಎಲ್ಲವೂ ಒಳಿತಾಗಲಿದೆ.

ವೃಷಭ : ಆರೋಗ್ಯದ ಕಡೆಗೆ ಕಾಳಜಿ ನೀಡಲೇಬೇಕು. ಹೊರಗಿನ ಆಹಾರ ಸೇವನೇ ಬೇಡವೇ ಬೇಡ. ಹಣಕಾಸಿನ ತೊಂದರೆಗಳು ಶಮನವಾಗಲಿದೆ. ವಿದ್ಯಾರ್ಥಿಗಳು ಅಂದುಕೊಂಡ ಗುರಿಯನ್ನು ಸಾಧಿಸಲಿದ್ದಾರೆ. ಪರಸ್ತ್ರೀಯರ ಜೊತೆ ಅತಿಯಾದ ಸಲುಗೆ ಸಲ್ಲದು.

ಮಿಥುನ : ಉದ್ಯೋಗದ ಸ್ಥಳವನ್ನು ಬದಲಾವಣೆ ಮಾಡುವ ಬಗ್ಗೆ ಯೋಚನೆ ಮಾಡಲಿದ್ದೀರಿ. ಸಹವಾಸ ದೋಷದಿಂದ ಸನ್ಯಾಸಿ ಕೆಟ್ಟ ಎಂಬ ಮಾತಿದೆ. ಹೀಗಾಗಿ ಸ್ನೇಹಿತರನ್ನು ಆಯ್ಕೆ ಮಾಡುವ ಮುನ್ನ ಎಚ್ಚರಿಕೆಯಿಂದಿರಿ. ಇಲ್ಲವಾದಲ್ಲಿ ನಿಮ್ಮ ಜೀವನ ಹಾಳಾಗಲಿದೆ.

ಕಟಕ : ಜೀವನ ನೀವು ಅಂದುಕೊಂಡಷ್ಟು ಸುಲಭವಾಗಿಲ್ಲ. ಹೀಗಾಗಿ ಭವಿಷ್ಯದ ಬಗ್ಗೆ ಇನ್ನಾದರೂ ಸ್ವಲ್ಪ ಗಂಭೀರವಾಗಿ ಯೋಚನೆ ಮಾಡಿ. ತಾಯಿಯ ಆರೋಗ್ಯದಲ್ಲಿ ಹೆಚ್ಚಿನ ಜಾಗೃತೆ ವಹಿಸಿ. ಇಲ್ಲವಾದಲ್ಲಿ ದೊಡ್ಡ ಅನಾಹುತವೇ ಆಗಿಬಿಡಬಹುದು.

ಸಿಂಹ : ವ್ಯಾಪಾರ ಹಾಗೂ ವ್ಯವಹಾರ ಕ್ಷೇತ್ರದಲ್ಲಿ ಇರುವವರು ಇಂದು ಅನಿರೀಕ್ಷಿತ ಲಾಭವನ್ನು ಗಳಿಸಲಿದ್ದಾರೆ. ವಿದೇಶಿ ಹೂಡಿಕೆದಾರರು ನಿಮ್ಮ ಭವಿಷ್ಯವನ್ನೇ ಬದಲಾವಣೆ ಮಾಡಲಿದ್ದಾರೆ. ಸಂಗಾತಿಯ ಅತಿಯಾದ ಕೋಪವು ನಿಮಗೆ ಕಿರಿಕಿರಿ ತರಿಸಲಿದೆ.

ಕನ್ಯಾ : ಮಕ್ಕಳ ಆರೋಗ್ಯ ಹದಗೆಡಲಿದೆ. ಇದರಿಂದ ಪೋಷಕರು ಆತಂಕಕ್ಕೆ ಒಳಗಾಗಲಿದ್ದಾರೆ. ಕಚೇರಿ ಕೆಲಸದ ನಿಮಿತ್ತ ದೂರ ಪ್ರಯಾಣ ಮಾಡಬೇಕಾಗಿ ಬರಲಿದೆ. ಮನೆಯಲ್ಲಿ ಧಾರ್ಮಿಕ ಕಾರ್ಯ ಇರುವುದರಿಂದ ಖರ್ಚು ಹೆಚ್ಚಲಿದೆ. ಇದರಿಂದ ಚಿಂತೆ ಹೆಚ್ಚಲಿದೆ.

ತುಲಾ : ಹಳೆಯ ಸಾಲಗಳು ತೀರಲಿದೆ. ಇದರಿಂದ ಮನಸ್ಸಿಗೆ ನಿರಾಳ ಎನಿಸಲಿದೆ. ಅತಿಯಾದ ಖರ್ಚು ಮಾಡುವುದು ನಿಮ್ಮ ಆರ್ಥಿಕ ಪರಿಸ್ಥಿತಿಗೆ ಖಂಡಿತವಾಗಿಯೂ ಒಳ್ಳೆಯದಲ್ಲ. ಹಾಸಿಗೆ ಇದ್ದಷ್ಟೇ ಕಾಲನ್ನು ಚಾಚಿ. ಬೆನ್ನಿಗೆ ಚೂರಿ ಹಾಕುವ ಸ್ನೇಹಿತರಿಂದ ಎಚ್ಚರ ವಹಿಸಿ.

ವೃಶ್ಚಿಕ : ಭೂಮಿ ಖರೀದಿ ಮಾಡಬೇಕೆಂದುಕೊಂಡ ನಿಮ್ಮ ಕನಸು ಇಂದು ನನಸಾಗಲಿದೆ. ಕೃಷಿಕರಿಗೆ ಇಂದು ಲಾಭವಿದೆ. ವಿದ್ಯಾರ್ಥಿಗಳು ತಮ್ಮ ಪ್ರಯತ್ನವನ್ನು ಮುಂದುವರಿಸಬೇಕು. ಅನ್ನಪೂರ್ಣೇಶ್ವರಿ ದರ್ಶನ ಮಾಡಿ.

ಧನು : ವೈವಾಹಿಕ ಜೀವನದಲ್ಲಿ ದೊಡ್ಡ ಬಿರುಗಾಳಿಯೇ ಮೂಡಲಿದೆ. ಇದು ಇಡೀ ಕುಟುಂಬದ ನೆಮ್ಮದಿಯನ್ನು ಹಾಳು ಗೆಡವಲಿದೆ. ಹೊಸ ಉದ್ಯಮದಿಂದ ಯಶಸ್ಸನ್ನು ಗಳಿಸಲಿದ್ದೀರಿ. ಪೋಷಕರ ಆರೋಗ್ಯದಲ್ಲಿ ಏರುಪೇರು ಉಂಟಾಗಲಿದೆ.

ಮಕರ : ಅವಿವಾಹಿತರಿಗೆ ಕಂಕಣ ಭಾಗ್ಯ ಕೂಡಿ ಬರಲಿದೆ. ಸರ್ಕಾರಿ ಕೆಲಸದಲ್ಲಿ ಇರುವವರಿಗೆ ಬಡ್ತಿ ಭಾಗ್ಯವಿದೆ. ಖಾಸಗಿ ಕೆಲಸಗಾರರಿಗೆ ಹೊಸ ಅವಕಾಶಗಳು ಹುಡುಕಿಕೊಂಡು ಬರಲಿದೆ. ಹಲ್ಲು ನೋವಿನ ಸಮಸ್ಯೆ ನಿಮಗೆ ಇಡೀ ದಿನ ಕಿರಿಕಿರಿ ತರಬಹುದು.

ಕುಂಭ : ಹಣಕಾಸಿನ ಸಮಸ್ಯೆ ನಿಮ್ಮನ್ನು ಮಾನಸಿಕವಾಗಿ ಕುಗ್ಗಿಸಲಿದೆ. ಹೊಸ ಕೆಲಸಕ್ಕಾಗಿ ಅಲೆಯುತ್ತಿರುವ ನಿಮ್ಮ ಪ್ರಯತ್ನಕ್ಕೆ ಅಂತ್ಯ ಹಾಡುವ ದಿನ ಹತ್ತಿರವಾಗಲಿದೆ. ಸಹೋದರನ ಆರ್ಥಿಕ ಸಂಕಷ್ಟಕ್ಕೆ ನೆರವಾಗಲಿದ್ದೀರಿ.

ಮೀನ : ಮನೆ ನವೀಕರಣ ಕಾರ್ಯಕ್ಕೆ ಮುಂದಾಗಲಿದ್ದೀರಿ. ಪೀಠೋಪಕರಣ ಖರೀದಿಗೆ ಧನವ್ಯಯವಾಗಲಿದೆ. ಲಲಿತ ಸಹಸ್ರನಾಮ ಪಠಿಸಿ . ಮಕ್ಕಳ ಒತ್ತಾಯಕ್ಕೆ ಮಣಿದು ವಾಹನ ಖರೀದಿ ಮಾಡಲಿದ್ದೀರಿ. ಸ್ತ್ರೀಯರಿಗೆ ಇಂದು ಧನ ಲಾಭವಿದೆ.