‘ನಾನೇನು ಮುದುಕಿಯಲ್ಲ’ ಎಂದ 95 ವರ್ಷದ ಬ್ರಿಟನ್​ ರಾಣಿ ಎಲೆಜಬೆತ್​…!

ರಾಣಿ ಎಲಿಜಬೆತ್​ II ಬ್ರಿಟನ್​ನ ದೀರ್ಘಾಯುಷ್ಯ ಹೊಂದಿದ ಹಾಗೂ ದೀರ್ಘಾವದಿಯ ರಾಣಿಯಾಗಿದ್ದಾರೆ. ಹಾಗಂತ ನೀವು ಆಕೆಯನ್ನು ವೃದ್ಧೆ ಎಂದು ಕರೆಯುವಂತಿಲ್ಲ..!

95 ವರ್ಷದ ಈ ಬ್ರಿಟಿಷ್ ರಾಣಿ ನಿಯತಕಾಲಿಕೆಯೊಂದು ನೀಡಿದ್ದ ‘ವರ್ಷದ ವೃದ್ಧೆ’ ಎಂಬ ಗೌರವವನ್ನು ನಯವಾಗಿ ನಿರಾಕರಿಸಿದ್ದಾರೆ. ಈ ಗೌರವಕ್ಕೆ ಸೂಕ್ತವಾದ ಗುಣಗಳು ನನ್ನಲ್ಲಿ ಇಲ್ಲ ಎಂದು ಹೇಳುವ ಮೂಲಕ ಇದನ್ನು ತಿರಸ್ಕರಿಸಿದ್ದಾರೆ.

ನೀವು ಭಾವಿಸಿದಷ್ಟು ನಿಮಗೆ ವಯಸ್ಸಾಗುತ್ತೆ ಎಂದು ಅವರು ನಂಬಿದ್ದಾರೆ. ಈ ಗೌರವಕ್ಕೆ ಸೂಕ್ತವಾದ ಮಾನದಂಡಗಳನ್ನು ನಾವು ಪೂರೈಸುತ್ತೇವೆ ಎಂದು ರಾಣಿಯು ನಂಬಿಕೆ ಹೊಂದಿಲ್ಲ. ಹೀಗಾಗಿ ಇದಕ್ಕೆ ಅರ್ಹರಾದ ಮಾನದಂಡಗಳನ್ನು ಹೊಂದಿರುವವರನ್ನು ನೀವು ಕಂಡುಕೊಳ್ಳುತ್ತೀರಿ ಎಂದು ಎಲಿಜಬೆತ್​ ಆಶಿಸುತ್ತಾರೆ ಎಂದು ಎರಡನೇ ಎಲಿಜಬೆತ್​​ರ ಖಾಸಗಿ ಕಾರ್ಯದರ್ಶಿ ಪತ್ರವೊಂದರ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

ರಾಣಿ 2ನೇ ಎಲಿಜಬೆತ್​​ ಈ ವರ್ಷವಷ್ಟೇ ಪತಿಯನ್ನು ಕಳೆದುಕೊಂಡಿದ್ದಾರೆ. ಆದರೂ ತಮ್ಮ ರಾಜವಂಶಸ್ಥ ಕರ್ತವ್ಯಗಳೆಲ್ಲವನ್ನೂ ಈ ಇಳಿವಯಸ್ಸಿನಲ್ಲೂ ನಿಭಾಯಿಸುತ್ತಿದ್ದಾರೆ.