ನಿಮ್ಮ ರೋಗನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವ ಮೂಲಕ ಕೊರೊನಾ ವೈರಸ್ ಮತ್ತು ಅದರ ರೂಪಾಂತರಗಳಿಂದ ರಕ್ಷಿಸಿಕೊಳ್ಳುವುದು ಜಾಣತನ. ನಮ್ಮಲ್ಲಿರುವ ಪ್ರತಿರಕ್ಷಣಾ ವ್ಯವಸ್ಥೆಯು ದೇಹದ ರಕ್ಷಣಾ ಕಾರ್ಯವಿಧಾನವಾಗಿದೆ ಮತ್ತು ಅದಿಲ್ಲದೇ ನಾವು ಸೇವಿಸುವ ಆಹಾರದಿಂದ ಪರಿಸರದಲ್ಲಿ ಮತ್ತು ನಮ್ಮ ವ್ಯವಸ್ಥೆಯಲ್ಲಿಯೂ ಸಹ ನಾವು ಅನೇಕ ಹಾನಿಕಾರಕ ಅಂಶಗಳಿಗೆ ಬಲಿಯಾಗಬಹುದು.
ಪ್ರತಿರಕ್ಷಣಾ ವ್ಯವಸ್ಥೆಯು ದುರ್ಬಲಗೊಳ್ಳಲು ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಸಾಧ್ಯವಾಗದೇ ಇರಲು ದೊಡ್ಡ ಕಾರಣಗಳೆಂದರೆ, ಒತ್ತಡ ಮತ್ತು ಆತಂಕ. ಆರೋಗ್ಯಕರ ಮನಸ್ಸು ಆರೋಗ್ಯಕರ ದೇಹಕ್ಕೆ ಸಮ ಎಂಬ ಮಾತನ್ನು ನಿಮ್ಮ ರೋಗನಿರೋಧಕ ಶಕ್ತಿ ಮತ್ತು ನಿಮ್ಮ ಒತ್ತಡದ ಮಟ್ಟವನ್ನು ನೋಡುವ ಮೂಲಕ ಸಾಬೀತುಪಡಿಸಬಹುದು.
ದೇಹ ಮತ್ತು ಮನಸ್ಸನ್ನು ಬಲಪಡಿಸುವ ಯೋಗವು ಸಮಗ್ರ ಯೋಗಕ್ಷೇಮಕ್ಕಾಗಿ ಇರುವ ಪುರಾತನ ಆರೋಗ್ಯಾಭ್ಯಾಸ. ಧ್ಯಾನವು ಮನಸ್ಸನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ, ಇದರಿಂದಾಗಿ ಮಾನಸಿಕ ಆತಂಕ ಮತ್ತು ಒತ್ತಡದಿಂದಾಗಿ ಬೆಳೆಯಬಹುದಾದ ಯಾವುದೇ ಇತರ ಸಮಸ್ಯೆಗಳನ್ನು ನಿವಾರಣೆಯಾಗುತ್ತವೆ.
ಕೆಳಗಿನ ಭಂಗಿಗಳನ್ನು ವಾರಕ್ಕೆ ಕನಿಷ್ಠ ಮೂರು ಬಾರಿ ಅಭ್ಯಾಸ ಮಾಡಿ. ಇವುಗಳನ್ನು ದಿನಕ್ಕೆ ಎರಡು ಬಾರಿ ಮಾಡಬಹುದು. ಭಂಗಿಗಳಲ್ಲಿ ನಿಮ್ಮ ಅಂಗಾಂಗಳನ್ನು ಹಿಡಿದಿಟ್ಟುಕೊಳ್ಳುವಾಗ ನಿಮ್ಮ ಉಸಿರಾಟದ ಬಗ್ಗೆ ನೀವು ಗಮನ ಹರಿಸಬೇಕು. ಈ ಭಂಗಿಗಳು ತುಲನಾತ್ಮಕವಾಗಿ ಸರಳವಾಗಿದ್ದು, ಎಲ್ಲಾ ವಯಸ್ಸಿನ ಗುಂಪುಗಳು ಮತ್ತು ಫಿಟ್ನೆಸ್‌ ಶ್ರೇಣಿಯ ಜನರು ಮಾಡಬಹುದಾಗಿದೆ. ಹಿಮಾಲಯನ್ ಸಿದ್ಧ, ಗ್ರ್ಯಾಂಡ್ ಮಾಸ್ಟರ್ ಅಕ್ಷರ್‌ ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು 5 ಯೋಗ ಆಸನಗಳನ್ನು ಹಂಚಿಕೊಂಡಿದ್ದಾರೆ.
ಉಷ್ಟ್ರಾಸನ – ಒಂಟೆ ಭಂಗಿ
ಭಂಗಿಯ ರಚನೆ
* ನಿಮ್ಮ ಯೋಗ ಚಾಪೆಯ ಮೇಲೆ ನಿಧಾನವಾಗಿ ಮಂಡಿಯೂರಿ
* ಸೊಂಟದ ಮೇಲೆ ನಿಮ್ಮ ಕೈಗಳನ್ನು ಇರಿಸುವ ಮೂಲಕ ಹಿಂದಕ್ಕೆ ಬಾಗಲು ಸಜ್ಜಾಗಿ.
* ಈಗ ನಿಮ್ಮ ಹಿಮ್ಮಡಿ ಅಥವಾ ಕಣಕಾಲುಗಳ ಮೇಲೆ ಅಂಗೈಗಳನ್ನು ಸ್ಲೈಡಿಂಗ್ ಮಾಡುವಾಗ ನಿಮ್ಮ ಬೆನ್ನನ್ನು ಬಗ್ಗಿಸಲು ಪ್ರಾರಂಭಿಸಿ
* ನಿಮ್ಮ ತೋಳುಗಳು ನೇರವಾಗಿರಲು ನೀವು ಬಿಡಬಹುದು.
* ನಿಮ್ಮ ಕುತ್ತಿಗೆಯನ್ನು ಆಯಾಸಗೊಳ್ಳುವುದನ್ನು ತಪ್ಪಿಸಿ, ತಟಸ್ಥವಾಗಿ ಇರಿಸಿ.
* ಉಸಿರಾಡಿ ಮತ್ತು ನಿಧಾನವಾಗಿ ಭಂಗಿಯಿಂದ ಬಿಡುಗಡೆ ಆಗಿ.
ಮಂಡೂಕಾಸನ
* ವಜ್ರಾಸನದಲ್ಲಿ ಪ್ರಾರಂಭಿಸಿ
* ನಿಮ್ಮ ನಾಲ್ಕು ಬೆರಳುಗಳ ಒಳಗೆ ಹೆಬ್ಬೆರಳು ಇಟ್ಟು ಮುಷ್ಟಿ ಮಾಡಿ ಮತ್ತು ಮುಷ್ಟಿಯನ್ನು ಹೊಟ್ಟೆಯ ಗುಂಡಿಯ ಎರಡೂ ಬದಿಯಲ್ಲಿ ಇರಿಸಿ.
* ನಿಮ್ಮ ಹೊಟ್ಟೆಯಲ್ಲಿರುವ ಎಲ್ಲಾ ಗಾಳಿ ಖಾಲಿ ಮಾಡಿ ಮತ್ತು ಮುಂದಕ್ಕೆ ಬಾಗಲು ಪ್ರಾರಂಭಿಸಿ
* ನಿಮ್ಮ ಹೊಟ್ಟೆಯ ಪ್ರದೇಶದಲ್ಲಿ ನಿಮ್ಮ ಮುಷ್ಟಿಯನ್ನು ಒತ್ತಿರಿ.
* ಬಾಗಿದ ಸ್ಥಾನದಲ್ಲಿ ಎದುರು ನೋಡುತ್ತಿರಿ.
* ಉಸಿರಾಡಿ ಮತ್ತು ಮೇಲೆದ್ದು ವಿಶ್ರಾಂತಿ ಪಡೆಯಿರಿ.
ಮತ್ಸ್ಯಾಸನ – ಮೀನಿನ ಭಂಗಿ
* ನಿಮ್ಮ ಬೆನ್ನಿನ ಮೇಲೆ ಮಲಗಿ
* ನಿಮ್ಮ ತಲೆಯ ಮೇಲ್ಭಾಗ ನೆಲದ ಮೇಲೆ ಇರಿಸಿ ಮತ್ತು ನಿಮ್ಮ ಕಾಲುಗಳನ್ನು ನೇರಗೊಳಿಸಿ ಅಥವಾ ನಿಮ್ಮ ಆರಾಮಕ್ಕೆ ಅನುಗುಣವಾಗಿ ನಿಮ್ಮ ಮೊಣಕಾಲುಗಳನ್ನು ಬಗ್ಗಿಸಿ ಮತ್ತು ನಿಮ್ಮ ತೋಳುಗಳನ್ನು ನಿಮ್ಮ ದೇಹದ ಪಕ್ಕದಲ್ಲಿ ಇರಿಸಿ.
ಹಾಲಾಸನ – ಉಳುವ ಭಂಗಿ
* ನಿಮ್ಮ ಬೆನ್ನಿನ ಮೇಲೆ ಮಲಗಿ
* ಎರಡೂ ಕಾಲುಗಳನ್ನು ನೇರವಾಗಿ ಮೇಲಕ್ಕೆತ್ತಿ
* ಚೆನ್ನಾಗಿ ಉಸಿರಾಡುತ್ತಾ ನಿಮ್ಮ ಕಾಲುಗಳನ್ನು ಮೇಲೆತ್ತಿ ನಿಮ್ಮ ಕಾಲ್ಬೆರಳುಗಳನ್ನು ನಿಮ್ಮ ಹಿಂದೆ ಬಿಡಿ
* ನಿಮ್ಮ ಅಂಗೈಗಳಿಂದ ನಿಮ್ಮ ಬೆನ್ನನ್ನು ಬೆಂಬಲಿಸಿ
* ನೀವು ಸಮತೋಲನದೊಂದಿಗೆ ಆರಾಮದಾಯಕವಾಗಿದ್ದರೆ, ನಿಮ್ಮ ಬೆರಳುಗಳನ್ನು ಜೋಡಿಸಿ ಮತ್ತು ನಿಮ್ಮ ಅಂಗೈಗಳನ್ನು ನೆಲದ ಮೇಲೆ ಇರಿಸಿ
ಪಶ್ಚಿಮೋತ್ತಾನಾಸನ
* ಕಾಲುಗಳನ್ನು ಚಾಚಿ ಕುಳಿತುಕೊಳ್ಳಿ
* ಚೆನ್ನಾಗಿ ಉಸಿರಾಡಿ ಮತ್ತು ನಿಮ್ಮ ತೋಳುಗಳನ್ನು ಮೇಲಕ್ಕೆತ್ತಿ
* ನಿಮ್ಮ ಬೆನ್ನನ್ನು ನೇರವಾಗಿ ಇರಿಸಿ
* ಉಸಿರನ್ನು ಹೊರಹಾಕಿ ಮತ್ತು ನಿಮ್ಮ ಕೆಳಭಾಗದ ದೇಹದ ಮೇಲೆ ನಿಮ್ಮ ಮೇಲ್ಭಾಗವನ್ನು ಇರಿಸಲು ಮುಂದಕ್ಕೆ ಮಡಚಿ
ಸಮರ್ಪಕವಾದ ರೋಗನಿರೋಧಕ ಶಕ್ತಿಯನ್ನು ನಿರ್ಮಿಸಲು ನೀವು ಬಯಸಿದರೆ, ನೀವು ಏನು ತಿನ್ನುತ್ತೀರಿ ಎಂಬ ಬಗ್ಗೆ, ನಿಮ್ಮ ನಿದ್ರೆಯ ಗುಣಮಟ್ಟಕ್ಕೆ ಗಮನ ಕೊಡಬೇಕು ಆದರೆ ನಿಮ್ಮ ಜೀವನಶೈಲಿಯಲ್ಲಿ ನಿಯಮಿತ ವ್ಯಾಯಾಮವನ್ನು ಅಳವಡಿಸಿಕೊಳ್ಳಬೇಕು. ಯೋಗವು ದೈಹಿಕ ಭಂಗಿಗಳ ಮೂಲಕ ದೇಹದ ಮೇಲೆ ಕೆಲಸ ಮಾಡುತ್ತದೆ ಮತ್ತು ಪ್ರಾಣಾಯಾಮ ಒಂದು ಉಸಿರಾಟಾಧಾರಿತ ಕೆಲಸವಾಗಿದೆ.
Loading ...