ನಾಳೆ 14 ಸಾವಿರ ಉದ್ಯೋಗ ಕಲ್ಪಿಸುವ ಉಕ್ಕು ಉದ್ಯಮದ ‘ಪಿಎಲ್ಐ ಯೋಜನೆ 1.1’ಗೆ HDK ಚಾಲನೆ

ನವದೆಹಲಿ: ನವದೆಹಲಿಯ ವಿಜ್ಞಾನ ಭವನದಲ್ಲಿ ಕೇಂದ್ರ ಉಕ್ಕು ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಅವರು ಸೋಮವಾರ ಉಕ್ಕು ಉದ್ಯಮಕ್ಕಾಗಿ ‘ಪಿಎಲ್ಐ ಯೋಜನೆ 1.1’ಗೆ ಚಾಲನೆ ನೀಡಲಿದ್ದಾರೆ.

ಸಚಿವಾಲಯದ ಪಿಎಲ್‌ಐ ಸುಮಾರು 27,000 ಕೋಟಿ ರೂಪಾಯಿಗಳ ಹೂಡಿಕೆಯನ್ನು ಆಕರ್ಷಿಸಿದೆ ಮತ್ತು 14,000 ಕ್ಕೂ ಹೆಚ್ಚು ನೇರ ಉದ್ಯೋಗವನ್ನು ಹೊಂದಿದೆ ಎಂದು ಉಕ್ಕು ಸಚಿವಾಲಯ ಹೇಳಿದೆ.

ಕೇಂದ್ರ ಉಕ್ಕು ಮತ್ತು ಭಾರೀ ಕೈಗಾರಿಕೆಗಳ ಸಚಿವ ಹೆಚ್‌.ಡಿ. ಕುಮಾರಸ್ವಾಮಿ ಅವರು ಉಕ್ಕು ಉದ್ಯಮಕ್ಕಾಗಿ ‘ಪಿಎಲ್‌ಐ ಯೋಜನೆ 1.1’ ಅನ್ನು ಪ್ರಾರಂಭಿಸಲಿದ್ದಾರೆ ಎಂದು ಉಕ್ಕು ಸಚಿವಾಲಯ ಭಾನುವಾರ ಪ್ರಕಟಣೆಯಲ್ಲಿ ತಿಳಿಸಿದೆ.

ಜನವರಿ 6, 2025 ರಂದು ದೆಹಲಿಯ ಮೌಲಾನಾ ಆಜಾದ್ ರಸ್ತೆಯ ವಿಜ್ಞಾನ ಭವನದ ಹಾಲ್ ನಂ. 1 ರಲ್ಲಿ ಆಯೋಜಿಸಲಾದ ಕಾರ್ಯಕ್ರಮದ ಸಂದರ್ಭದಲ್ಲಿ ಯೋಜನೆಗಾಗಿ ಅರ್ಜಿಗಳನ್ನು ಆಹ್ವಾನಿಸಲಾಗುತ್ತದೆ. ಪ್ರೊಡಕ್ಷನ್-ಲಿಂಕ್ಡ್ ಇನ್ಸೆಂಟಿವ್ಸ್(PLI) ಪರಿಕಲ್ಪನೆಯನ್ನು 2020 ರ ಜಾಗತಿಕ ಲಾಕ್‌ ಡೌನ್‌ ಸಮಯದಲ್ಲಿ ಕಲ್ಪಿಸಲಾಗಿದೆ, ಇದು ದೇಶೀಯ ಉತ್ಪಾದನೆಯನ್ನು ಹೆಚ್ಚಿಸುವ ಅಗತ್ಯವನ್ನು ಒತ್ತಿಹೇಳುತ್ತದೆ.

ಉಕ್ಕಿನ ಸಚಿವಾಲಯದ PLI 27,106 ಕೋಟಿ ರೂಪಾಯಿ ಹೂಡಿಕೆಯಲ್ಲಿ ಬದ್ಧತೆಯನ್ನು ಆಕರ್ಷಿಸಿದೆ, 14,760 ನೇರ ಉದ್ಯೋಗ ಮತ್ತು ಯೋಜನೆಯಲ್ಲಿ ಗುರುತಿಸಲಾದ 7.90 ಮಿಲಿಯನ್ ಟನ್ಗಳಷ್ಟು ‘ಸ್ಪೆಷಾಲಿಟಿ ಸ್ಟೀಲ್’ನ ಅಂದಾಜು ಉತ್ಪಾದನೆ ಗುರಿ ಹೊಂದಿದೆ.

ನವೆಂಬರ್ 2024 ರ ಹೊತ್ತಿಗೆ ಕಂಪನಿಗಳು ಈಗಾಗಲೇ 18,300 ಕೋಟಿ ರೂ. ಹೂಡಿಕೆ ಮಾಡಿ 8,660 ಉದ್ಯೋಗಗಳನ್ನು ಸೃಷ್ಟಿಸಿವೆ.