ಕೋವಿಡ್ ವೈರಸ್ ಮನುಷ್ಯನ ಮೇಲೆ ಪ್ರತ್ಯಕ್ಷ ಪರೋಕ್ಷವಾಗಿ ಸಾಕಷ್ಟು ಪರಿಣಾಮ ಬೀರಿದೆ ಮತ್ತು ಬೀರುತ್ತಲಿದೆ. ಇತ್ತೀಚಿನ ಅಧ್ಯಯನದ ಪ್ರಕಾರ ವೈರಸ್‌ಗಳು ನಮ್ಮ ನಿದ್ರೆಯ ಕ್ರಮವನ್ನೂ ಬದಲಿಸುವ ಸಾಧ್ಯತೆ ಇದೆ ಎಂಬ ಮಾಹಿತಿ ಇದೆ.
ಕೋವಿಡ್ ಸಾಂಕ್ರಾಮಿಕ ರೋಗದ ಆರಂಭಿಕ ಹಂತಗಳಲ್ಲಿ ಮತ್ತು ವಿಶೇಷವಾಗಿ ಲಾಕ್‌ಡೌನ್, ಮನೆಯಲ್ಲಿಯೇ ಇರುವ ಆದೇಶಗಳಿಂದಾಗಿ ಆ ಸಮಯದಲ್ಲಿ ಅನೇಕ ಜನರು ನಿದ್ರೆ ಸಮಯ ಏರುಪೇರಾಗಿದೆ. ಮಲಗಿವ ಮಾದರಿಗಳು ಬದಲಾಗಿವೆ.
ಸೋಂಕಿನ ಸಮಯದಲ್ಲಿ ಮತ್ತು ನಂತರ ಜನರು ಒಳ್ಳೆಯ ರೀತಿಯಲ್ಲಿ ನಿದ್ರೆಯನ್ನು ಫೀಲ್ ಮಾಡುತ್ತಿಲ್ಲ ಎಂಬ ಅಭಿಪ್ರಾಯವಿದೆ. ನಿದ್ರೆ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ನಿದ್ರಾ ಹೀನತೆ ದಣಿವು ತರುತ್ತದೆ ಎಂಬುದು ಗಮನಾರ್ಹ ವಿಚಾರ.
ಕರ್ತವ್ಯದಲ್ಲಿದ್ದಾಗಲೇ ಪೊಲೀಸ್‌ ಮಾಡಿದ ಕಾರ್ಯಕ್ಕೆ ಮೆಚ್ಚುಗೆಯ ಮಹಾಪೂರ
ದೇಹವು ವೈರಸ್ ದಾಳಿಗೆ ಒಳಗಾದಾಗ ಪ್ರತಿರಕ್ಷಣಾ ಅಥವಾ ಉರಿಯೂತದ ಪ್ರತಿಕ್ರಿಯೆ ಉಂಟುಮಾಡುತ್ತದೆ. ಈ ಪ್ರತಿಕ್ರಿಯೆಯ ಭಾಗವಾಗಿ, ಜೀವಕೋಶಗಳು ಸೋಂಕಿನ ವಿರುದ್ಧ ಹೋರಾಡಲು ಸಹಾಯ ಮಾಡಲು ಸೈಟೊಕಿನ್‌ಗಳಂತಹ ಪ್ರೋಟೀನ್‌ಗಳನ್ನು ಉತ್ಪಾದಿಸುತ್ತವೆ. ಇವುಗಳಲ್ಲಿ ಕೆಲವು ಸೈಟೊಕಿನ್‌ಗಳು ನಿದ್ರೆಯನ್ನು ಕಡಿಮೆಗೊಳಿಸುವಲ್ಲಿ ತೊಡಗಿಕೊಂಡಿವೆ ಮತ್ತು ಅವುಗಳನ್ನು ನಿದ್ರೆ ನಿಯಂತ್ರಕ ಎಂದು ಕರೆಯಲಾಗುತ್ತದೆ. ಈ ರೀತಿಯಾಗಿ, ನಮ್ಮ ದೇಹದಲ್ಲಿ ಈ ಸೈಟೋಕಿನ್‌ಗಳು ಹೆಚ್ಚು ಇದ್ದಾಗ ಇದು ನಮ್ಮನ್ನು ನಿದ್ರಿಸದಂತೆ ಮಾಡುತ್ತದೆ.
ನಿರ್ದಿಷ್ಟವಾಗಿ ಕಳಪೆ ನಿದ್ರೆ, ದೇಹದ ಪ್ರತಿರಕ್ಷಣಾ ಕಾರ್ಯದ ಮೇಲೆ ಪರಿಣಾಮ ಬೀರುತ್ತದೆ, ಪ್ರತಿರಕ್ಷಣಾ ಕಾರ್ಯವು ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆ.
ಆರೋಗ್ಯವಂತ ವಯಸ್ಕರಲ್ಲಿ ರೈನೋವೈರಸ್ ಸೋಂಕುಗಳು ಅಥವಾ ಸಾಮಾನ್ಯ ಶೀತದ ಕುರಿತ ಒಂದು ಅಧ್ಯಯನವು, ದೀರ್ಘ ಹಾಳುಗೆಡವುತ್ತದೆ ಎಂದು ಹೇಳುತ್ತದೆ. ಉಸಿರಾಟದ ಸೋಂಕಿನ ಕುರಿತ ಮತ್ತೊಂದು ಅಧ್ಯಯನವು ರೋಗಲಕ್ಷಣದ ಸಂದರ್ಭದಲ್ಲಿ, ಜನರು ಹಾಸಿಗೆಯಲ್ಲಿ ಹೆಚ್ಚು ಸಮಯ ಕಳೆಯುತ್ತಾರೆ ಮತ್ತು ನಿದ್ರೆಯ ಸಮಯವನ್ನು ಹೆಚ್ಚಿಸಿದ್ದಾರೆ ಎಂದು ತಿಳಿಸಿದೆ.
ತೀರಾ ಇತ್ತೀಚಿನ ಅಧ್ಯಯನವು ಕೋವಿಡ್ ಇಲ್ಲದ ರೋಗಿಗಳಿಗೆ ಹೋಲಿಸಿದರೆ ಕೋವಿಡ್ ಇರುವ ರೋಗಿಗಳು ಹೆಚ್ಚು ನಿದ್ರಿಸಲು ತೊಂದರೆ ಅನುಭವಿಸುತ್ತಾರೆ ಎಂದು ವರದಿ ಹೇಳಿದೆ.
ಅಲ್ಪಾವಧಿಯಲ್ಲಿ, ಈ ನಿದ್ರಾಹೀನತೆಯ ಲಕ್ಷಣಗಳು ನಿಜವಾಗಿಯೂ ದೊಡ್ಡ ಸಮಸ್ಯೆಯಲ್ಲ. ಆದರೂ, ಕಳಪೆ ನಿದ್ರೆಯ ಅಭ್ಯಾಸಗಳು ಮುಂದುವರಿದರೆ ಇದು ದೀರ್ಘಕಾಲದ ನಿದ್ರಾಹೀನತೆಗೆ ಕಾರಣವಾಗಬಹುದು. ನಂತರ ಪರಿಣಾಮ ಬೀರಲಿದೆ.
Loading ...