ಅನ್ಯಧರ್ಮೀಯರ ಹಬ್ಬಗಳಿಗೂ ಮಹತ್ವ ನೀಡಿದರೆ ಸಾರ್ವಜನಿಕ ಜೀವನದಲ್ಲಿ ನಮ್ಮ ಗೌರವವೇ ಹೆಚ್ಚಾಗುತ್ತದೆ. ಆದರೆ ಈ ವಿಚಾರದಲ್ಲಿ ಕೊಂಚ ಯಾಮಾರಿದರೂ ಸಹ ಅದು ನಿಮಗೆ ಉಲ್ಟಾ ಹೊಡೆಯುವ ಸಾಧ್ಯತೆ ಇರುತ್ತದೆ. ಅದರಲ್ಲೂ ಸೋಶಿಯಲ್ ಮೀಡಿಯಾಗಳಲ್ಲಿ ಹಬ್ಬಕ್ಕೆ ಶುಭಕೋರುವ ಮುನ್ನ ನೂರು ಬಾರಿ ಪರಿಶೀಲಿಸುವುದು ಉತ್ತಮ. ನಿಮ್ಮ ಸಣ್ಣ ತಪ್ಪು ಕೂಡ ಸ್ಕ್ರೀನ್ಶಾಟ್ ರೀತಿಯಲ್ಲಿ ಟ್ರೋಲ್ ಆಗಬಹುದು.
ಅಂದಹಾಗೆ ಈ ವಿಷಯ ಹೇಳೋದಕ್ಕೆ ಕಾರಣ ಕೂಡ ಇದೆ. ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಮುಖ್ಯಮಂತ್ರಿ ಮುರಾದ್ ಅಲಿ ಶಾ ಸೋಶಿಯಲ್ ಮೀಡಿಯಾದಲ್ಲಿ ದೀಪಾವಳಿಗೆ ಶುಭಾಶಯ ಕೋರುವ ಭರದಲ್ಲಿ ಪೇಚಿಗೆ ಸಿಲುಕಿದ್ದಾರೆ.
ಹಬ್ಬಕ್ಕೆ ಶುಭಾಶಯ ಕೋರಿದ್ದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ದೀಪಾವಳಿ ಹಬ್ಬದ ಶುಭಾಶಯ ಕೋರುವ ಬದಲು ಮುರಾದ್ ಹೋಳಿ ಹಬ್ಬದ ಶುಭಾಶಯ ಕೋರಿದ್ದಾರೆ. ಈ ಎರಡೂ ಹಬ್ಬಕ್ಕೆ ಯಾವುದೇ ರೀತಿಯ ಸಾಮ್ಯತೆ ಇಲ್ಲ. ಆದರೂ ಹೋಳಿ ಹಾಗೂ ದೀಪಾವಳಿ ಹಬ್ಬವನ್ನು ಗೊಂದಲ ಮಾಡಿಕೊಂಡ ಮುರಾದ್ ಅಲಿ ಶಾ ಟ್ರೋಲಿಗರ ಕೈಗೆ ಸಿಲುಕಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಮುರಾದ್ ಅಲಿ ಶಾ ಮಾಡಿದ ಈ ತಪ್ಪನ್ನು ಹೆಚ್ಚಿನ ಜನರು ಟ್ರೋಲ್ ಮಾಡಿದ್ದಾರೆ.
Loading ...